Firuzə nomo festivalədə Qiloni bumi-mədəni məhsulon istehsoləkəyon iştirok.
Əzizə duston, həmzəman de Firuzə milliyə mokafati 7 minnə dıvrə və mədəniyət məhsulon iyən əmtəə festivali 2minnə dıvrə bərpo bey, Qiloni islamiyə irşod və mədəniyət idorə mediya koon iyən mədəniyəti muavin, Qilon Ostani bumi-mədəni məhsulon istehsoləkəyonku tələbış karde ta ım festivalədə iştirok kon.
Hseyn Ebrahimiyan zinə de İRNA jurnalisti votımonədə əlovəş karde: milliyə səth iyən mədəniyət baxşədə ım festivali bərpo bey inkişof, tojə hərəkəton nışonəy.
Qiloni islamiyə irşod və mədəniyət idorə mediya koon iyən mədəniyət muavin ijən votışe: Qiloni bumi sənaye fəalə kəson tosə Bəhmənə manqi 5 minnə ruji fırsətışon heste ta saytədə ıştə əsəron ğeyd bıkon.
Əv həmçınin votışe: Qiloni sənaye fəalon ım festivalədə bə erjin iyən qəncnə kanə əsəron soyb bey xoto, zumandə iştiroki ğabeliyətışon heste.
Ebrahimiyan əlovəş karde: ım festivali hədəfon islamiyə İroni mədəni məhsulon və əmtəə istehsol, pevlo iyən məsrəf kardey, həmçınin İroni ğovmi mədəniyə məhsulon və istehsoləkəyonku himoyədorəti kardeye.
Əv ijən votışe: ofəyemon mədəniyəti bə inkişof rosniye, innovasiya sənaye baxşədə noyəvardəti, innovasiya sənaye iştirokəkəyon əlovə bey zəminəon icod kardey, kişvəri daxılədə mədəniyəti məhsulon məsrəfi vujuri rovnəğ doey, ostanonədə istehsol bıə mədəniyəti məhsulonku himoy kardey və əvoni milli və beynəl xalğ səthədə pevlo kardey həmçınin ailəon miyonədə mədəniyət məsələ onvan kardey və İroni-islami mədəniyəti istehsolon iyən əsəron məsrəfi əlovə kardey əcumlə ım festivali co hədəfonku bə hisob omeydə.
Bumiyə musiği saz-aləton soxte, de çu soxtə bıə məhsulon, dutemon, sofalinə zərfon, həsifr bofte və boziçə soxte əcumlə həminə festivoli baxşon ğeyd bıə.
Bəpe işorə kəmon ki Im festival de islamiyə inğilobi səbarzəti 43 minnə sorəqardışi həmzəman Bəhmənə manqi 12 tosə 22 minnə rujonədə bərpo bəbe.