Koronavirus çı Qiloni şəhron ranqi əvəzış karde.

Dəvardə 24 saəti mıddətədə 79 nəfər Koronavirusi noxəş bə Qiloni nəxəşxonəonədə bıə nakonə noxəşon izofə bıən.

Qiloni tib elmon universiti sıxənəvot bə Qilonədə Koronavirusi noxəşon miğdori ijən ziyod bey işorəş karde və votışe: ostani noxəşxonəonədə bıə koronavirusi noxəşon miğdor bə 282 nəfər rəsə.

Doktor Fərdin Mehrabiyan Qilonədə Korona oxonə vəziyəti barədə əlovəş karde: tojədən 79 nəfər korona noxəş ostanədə peydo bin ki çəvonku 38 nəfər mıbtəlo bıə bədholə noxəşi çı Qiloni noxəşxonəon xususi oqətə vırəonədə oloxtoniyəşone.

Qiloni tib elmon universiti sıxənəvot ijən işorəş karde ki Omikron Qilonış əhotə kardə və votışe: Ostani noxəşxonəonədə bıə Korona noxəşonku 42 nəfəri bə reanimasiya baxşi bardəşone ki çəvon hol-əhvol çok ni.

Qiloni tib elmon universiti sıxənəvot ijən işorəş karde ki Koronavirusi 6 minnə pandemik vəziyət de Omikroni şiddəti ziyod bey vositə Qilon ostanədə dəvom kardeydə ki çəy vəy qəteyro cəmaət bəpe səhiyyəvi protokolon rioyət kon həmçenin vaksinasiya ciddi surəti əncom bıdən.

Bə oxonə raporti əsos iyən de Qilonədə Omikron modılış bıə Koronavirusi rəvoc bey həmzəman, həmmə tolışə şəhron vəziyəti ranq bə zard əvəz bıə.