Har qılə divoji kə duteyro, 200 milyon tımən kredit doe bəbe.

Əzizə həmzıvonon, İroni İslami inğilobi kə dute Təşkilati rəis, bə Qilon səfər karde cərəyonədə, bə har qılə divoji kə duteyro, 200 milyon tımən kredit doeyku xəbəş do.

Bə Qiloni Tele-Rədio aqentiyəti raporti əsos, İroni İslami inğilobi kə dute Təşkilati rəis, zinə və Fumən iyən Şəfti dionədə bıə kə soxtey planon icra bey prossesiku vindemon karde cərəyonədə votışe: kə aliyə şura tojə iclosədə, bo dionədə kə dute kredit ixtisos doəmone ki vey rə bə divujon hisobi ebəkamon.

Əkbər Nikzod əlovəş kardə: ım maliyə koməkon vey kam faizış bıə kreditonku bə hisob omeydə.

Əv həmçınin bə di xiyobonon asfalt kardey iyən Hadi nomo plani icra bey təkidış kardə və votışe: de xususi budcə ixtisos doe vositə, dionədə bıə xiyobonon asfalt bəbe.

Ağaye Nikzod ijən əlovəş karde: bo ım planon 5 həzo milyard tımən budcə ixtisos doəmone.

İroni İslami inğilobi kə dute Təşkilati rəis, ıştə səfəri cərəyonədə bə Şəfti dion əcumlə Kəlaşem və Sefid Məzqi şə iyən nezico de millət iyən məhəliyə rəsmi şəxson vindemonış kardə.

Əkbər Nikzad həmçınin bə Foməni Aliyan nomo di şə iyən bə Şəhid Məhmud Fəridi inə və ailə osəş ğande.

Əv ım vindemonədə votışe: İroni islamiyə inğilobi ımrujnə iğtidor və izzət, bə şəhidon vucudi xotoe, və ımruj çəmə ko ıme ki bə çəvon roy dəvom bıdəmon.

Əlovə kəmon ki Şəhid Məhmud Fəridi hicri şəmsi1366 minnə sorədə, Kırdıstoni Banə Əməliyotədə şəhid bıə.