Bə Qilon ostani çı İroni prezidenti səfəri budcəon ixtisos peydo karde holədəy.
Dəvardə manq, bə Qİlon ostani İroni prezident doktor Risi səfəri cərəyonədə, bo Rizvonşəhri mədəniyə binaon komil kardeyro,10 milyord riyol budcə ixtisos doə bəy.
Xosə əməson, Rizvonşəhri fərmondori sərpərəst votışe: dəvardə manq bə Qilon Ostani İroni prezidenti səfəri cərəyonədə, ım şəhrıstoni islamiyə irşod və mədəniyəti idorə mədəniyə bina komil kardeyro, 10 milyord riyol budcə ixtisos doə bəy.
Seyd Nadir Səfəvi zinə və de Rizvonşəhri şəhrıstoni mediya və hınə fəal və rəsmi şəxson dəvoniyə iclosədə əlovəş kardə: hınə və hınə soyb bıə şəxsonku himoyədorəti karde çəmə qiədəy və həminə cəhətədə səyo cəhd bəkamon ta çı hınə soybon tələbon bə vırə bırəsi.
Rizvonşəhri fərmondori sərpərəst bə dəvardə manqədə bıə bə Qilon Ostani İroni prezidenti səfəri bətrəkəton işorəş karde və votışe: ım səfəri budcəonku, bo ım şəhrıstoni islamiyə irşod və mədəniyəti idorə, qıləy mədəniyə bina duteyro 10 milyard riyal ixtisos doə bıə.
Seyd Nadir Səfəvi ıştə sıxənon idomədə bə hınə soybon fəaliyəton vırə iyən əhəmmiyəti işorəş kardə və votışe: ictima səthədə bo İslamiyə İroni erjinə mədəniyəti təsbit kardey xoto, hınə soybon zərfiyətonku istifodə kardey vey lozimə məsələy.
