Çay havzə livə zəmanət hırye tojə ğəymət elan be.
Əzizə duston, İroni çayəvonəti idorə rəis, çay havzə livə zəmanət hırye tojə ğəyməti elan beyku xəbəş do.
Bə İRİB raporti əsos, Həbib Cəhansaz votşe: ditəsərrufat məhsulonku himoyə kardey siyasəti çərçivədə və ğeymət noey şura tojə iclosədə ki de ditəsərrufat cihod vəziri iştiroki bərpo bıə, boğəvononku çay havzə livə zəmanət hırye ğəymət, təyin be.
İroni çayəvonəti idorə rəis əlovəş karde: iclosədə elan be ki i minnə dərəcədə bıə çay havzə livə zəmanət hırye ğeymət dəvardə sori muğaisədə, təğribən 38 faiz yəni 3 həzotımən əlovə bəbe.
Bə Cəhansazi votəyon əsos, ımsornə sori çay havzə livə zəmanət hıryə ğəymətiku, 25 faiz çı dıvləti səhm iyən 75 faiz həm fabrikaon səhmi şomil bıdə.
Həmçınin İroni çayəvonəti idorə rəis izhorış karde ki: dəvardə 2 sori mıddətədə, har sor çay havzə livə zəmanət hırye ğəymət 45 tosə 50 faiz əlovə bıə be.
