De Rəşti mizbonəti, İroni turizm bə inkişof rosniye milliyə iclos bərpo be.

Çı İroni turizm bə inkişof rosniye milliyə iclosi elmi sərkatib votışe: tojə bərpo bıə iclosədə, 4 qılə nıtğ bəyon və 11 qılə elmiyə məğolə elan be ki əvoni çı 50 qılə vığandə bıə əsəronku vıjniyəmone.

Bə İRİB raporti əsos, zinə sıb və Qiloni universitədə İroni turizm bə inkişof rosniye milliyə virtual iclos bərpo bıə.

Çı İroni turizm bə inkişof rosniye milliyə iclosi elmi sərkatib, Məcid Yasuri, həminə iclosi dəvoniyeyku hədəfonış turizm sənaye və çəy mənbəon bə inkişof rosniye, turistik vırəonədə cazibəon oqəte, zumandə stabilə inkişof və ın sənayeədə bıə behran iyən muşkilatonro hələkə çorəon peydo kardey bəyon kardə.

Əv əlovəş karde: iclosədə bə virtual əbzaron roli, xususi koronavirusi pandemik şəroyeti bəpeşt işorə bıə iyən İroni şimol məntəğəonədə bıə saheli turistik zərfiyətonku istifodə kardey tələb be.

İclosədə bə turizm sənaye bənə milliyə iğtisodi komiləkə fəaliyətonku qıləyni təkid be.