Nəvuzə idi astanədə bə şəhidion yodi xoto məişət pəketon təğsim karde.

Xosə tolışon, ımruj, sori oxonə ruje və şəviku nuyə sor bino bıdə, nabənav nuyə sori dəme, bəharə fəsli iminnə ruj iyən Nəvuzə idi mınosibəti bə şımə mehribonə Tolışon təbrik ərz kardedəm, şıməro xoşə ləzəon urzu kardə.

İronədə iyən de nuyə sor və Nəvuzə idi həmzəman bə ehtiyocinə şəxson komək karde bənə qıləy kanə adəti diyə kardey bıdə.

Tojədən xəbə omə ki bə şəhidion yodi xoto çandə məişət pəketon Ostoro ehtiyocinə ailəon miyono təğsim bıə.

Ostoro şəhrıstoni cımə İmom həminə xəbə barəd votışe: Ləvəndəvil baxşədə bə Ostoro 167 qılə qiromi və bozorqvarə şəhidon ehtirom noe xoto, 167 qılə məişət pəket de 80 milyon tımən erji, ehtiyocinə şəxson miyono təğsim bıə.

Bə İRİB raporti əsos, Huccətul İslam Muhəmməd Cəvad Bağıri de ın xəbə elani votışe: ım məişət pəketon bırz, ğujd, ruyən, makaroni, soya iyən Nəvuzə idi co ehtiyocinə çiyonku şomil bıdə.

Ostoro şəhrıstoni cımə İmom votışe: həminə məişət pəketon de çəvon nom məlum nıbıə şəhidon mərkəzi iyən Ləvəndəvil baxşi Şəhid Feyzullahiyan nomo bıə ğərorqoh səyo cəhdon vositə, hozzo bıə.