Qiloni mıtəbərrikə imomzodəonədə, kərimə Ğıroni icloson.

Əzizə əməson səlom, rujəmoədə, inşaəllah şımə nımoj-rujəon iyən ibodəton ğəbul bıbun, ın şanqonə əhyoə şəvədə, Xıdo dərqohku şıməro məğfirət, rəhmət iyən baxşış tələb kardəm.

Co tərəf ın şanqo de şiəyon 1 minnə imom, Həzrət Əli(ə)-i zərbət hardey şəvi bərobəre ki ın mınosibəti həm bəşımə təsliyət ərz kardəm.

Dəvət kardəm de Tolışi Rədio bə ico bımandən və bə ımrujnə reportaj baxşi quş bədənən.

Mehribonə Tolışon, tosə Urdibeheştə manqi 13 minnə ruji, Qiloni 350 qılə mıtəbərrikə imomzodəonku vey, Kərimə Ğıroni tərtil iyən təfsiri icloson bərpo bəbe.

Bə Qiloni Tele-Rədio aqentiyəti raporti əsos, Qiloni vəğf koon idorə ictimaii və mədəniyəti muavin votışe: İlahi ziyofəti plan ğolibədə ki ımsor Fərvərdinə manqi 14 minnə rujiku və Qiloni 350 qılə mıtəbərrikə İmomzodəonədə bino bıə və tosə Urdibehştə manqi 13 minnə ruj dəvomış heste, elmi iyən bumiyə təbliğəkəyon, İslami hıkmon və din, ailə koon, ictima iyən siyosi məsələon təbyyin kardey iyən Kərimə Ğıroni təfsiri barədə, bə mısılmonə milləti məsləhət dodən.

Huccətul İslam Seyed Hamed Mirhuseyni əlovəş do: İlahi ziyofəti plani icra beyədə, 31 qılə təbliğəkə elmiyə mərkəzonku və 119 qılə bumiyə təbliğəkəyon, de Qiloni vəğf koon idorə həmkari kardedən.

Əv ijən əlovəş kardə: məğreb iyən əşa nımoji votey bəpeşt, Qiloni 9 qılə mımtoz iyən vıjniyə bıə mıtəbərrikə imom zodəonədə ilahi ziyofəti plani ğolibədə, təbliğəkəyon, ilahi hıkmon bəyon kardey iyən cəmaət nımoj kənoədə, məerefəti xeyməon, moizə və pand doe bərnomə iyən mınocot handey mərosim dəvoneydən.

Huccətul İslam Seyed Hamed Mirhuseyni əlovəş karde: de Kərimə Ğıroni unsiyət qətey iyən Tərtil handey icloson, bənə Koronavirusi pandemiya bənav bıə soron, Qilon 70 qıləku vey İmomzodəonədə de səhiyyəvi protokolon rioyəti bərpo bey holədəy.

Əv ijən bə Qiloni mıtəbərrikə İmomzodəonəd, əhyoə şəvon mərosimi bərpo kardey işorəş karde və əlovəş do: Qiloni vey mıtəbərrikə İmomzodəonədə, mərosimon de səhiyyəvi porotokolon rioyəti, bərpo bəbe.