Zəmonət hırye çərçivədə 14 həzo toniku vey çay havzə livə hıryə bıə.

Əzizə Tolışon səlom, şıməro səloməti iyən hərəbaxtəti urzu kardəm.

Dəvət kardəm dəmə bə ico bımandən və bə ımrujnə xəbə reportaj baxşi quş bıdənən.

İroni çayəvonəti idorə rəis votışe: 99 faiziku vey çı İroni şimol çayəvononku hıryə bıə çay havzə livə i iminnə dərəcəy.

Bə Qiloni Tele-Rədio aqentiyəti raporti əsos, Həbib Cəhansaz votışe: Urdibeheştə manqi iminnə rujiku tosə bə ısət, Qilon iyən Mazəndəran ostanonədə bıə çayəvononku, 14 həzo 635 ton çay havzə livə hıryə bıə ki çəy erj 134 milyard tımən təyin be.

İroni çay idorə rəis əlovəş do: ım miğdor hırye bıə çay havzə livonku 14 həzo 542 ton yəni təğribən 95 faiz i minnə dərəcə bə hisob omeydə.

İroni çayəvonəti idorə rəis ijən votışe: həminə mıddətədə 163 ton hışkə çay həm istehsol bıə.

İşorə kəmon ki Qilon iyən Mazəndəranədə 25 həzo hiktor çayə boğon hestin ki çəvonədə təğribən 60 həzo ailə de çayəvonəti koy bə məhsuli istehsol iyən kaştemoni məşğulin.