Masalədə cəhiziyə iyən məişət pakəton təğsim bıə.

Xosə Tolışon səlom, şımə ruj bə xəyr bıbu, dəvət kardəm dəmə bə ico bımandən və bə ımrujnə xəbə reportaj baxşi quş bıdənən.

500 qılə məişət pəketon bə ehtiyocinə ailəon iyən 2 dastə cəhiziyə bə masali tojə vəyə kardə kinəon təğdim bıə.

Bə Qiloni Tele-Rədio aqentiyəti raporti əsos, Masal şəhrıstoni sepah təşkiloti canışin votışe: Qilon ostanədə bə obodəkə bəsic təşkiloti təsis bey sorəqardışi xoto, iyən Fatemi(s) nomo cihodəkəyon kompaniya çərçivədə, 500 qılə məişət pəket, de Sepah və cihodi qurupon koməki, bə ehtiyocinə ailəon təğdim bıə.

Əv əlovəş do: ım pəketon erj 300 milyon tımən bəbe.

Palkovnik Ğasım Həsənbeyqi votışe: ijən 2 dastə cəhiziyə ki çəvon erj 35 milyon tımən bəbe bə ım şəhrıstoni tojə vəyə kardə kinəon doə bəy.

22 sor çimi bənav Ordibeheştə manqi 17, de İroni Yolə Rəhbər Həzrət Ayətullah Xamnei əmri bərobər, obdonəkə Bəsic təşkilot təsis be.

İroni təğvimədə Ordibeheştə manqi 17 tosə 26 minnə ruj, bənə obodəkə bəsic təşkiloti da rujon ğeyd bıdə.

İşorə kardənine ki Qiloni sepah təşkiloti fərmondə, qeneral Muhəmməd Əbdullahpur tojədən Fatemi(s) nomo humanitarə kompaniya bino bey mərosimədə işorəş karde ki dəvardə 2 sori mıddətədə, Qilon ostanədə məişəti pəketon təğsim bey miğdor 720 həzo qılə be iyən votışe: 750 həzo səhiyyəvi pəket, 20 həzo təlimi pəket, 300 dastə cəhiziyə və 9 həzo təlimi əbzaron həm Koronavirusiku zərəl-ziyon vinə kəson miyono təğsim bıə.