Masal şəhrıston iyən Fəcri da rujon obodəkə planon
Imsor Fəcri da rujon əyyomədə, Masa l şəhrıstonədə, 444 bə umum milləti mənafe planon de 830 milyard riyol erj bə istesmor bərəse.
Bə Tolışi Rədio raporti əsos ki Tabnak saytiku nəğlış kardə, Masal şəhrıstoni Fəcri da rujon ğərorqoh iclosədə, ım şəhrıstoni fərmondor, İron İslom Respublika muğəddəsə nizomi muvəffəğiyəton təbyin kardeyro Bəhmənə manqi vey muhimm iyən yolə fırsət zıneydə iyən əlovəş karde: de Fəcri da rujon həmzəman, ım şəhrıston iyən Şandermənədə, 444 ploniku vey, obodəkə, iğtisodi iyən bə umum milləti mənafe planon de 830 milyard riyol erj bə istesmor bərəse. ım planon 536 nəfəriro ko icod kardey bois bəbe.
Ğolamrıza Qilçalani ijən əlovəş karde: 77 qılə di iyən koməkəkə kə, 4 qılə məktəbxonə obodkardey plan, 282 ko icod kardey plan, ruşnə iyən ov rosniyə planon, di roon asfalt kardey, kominiukassiya planon iyən 60 qılə rifo təşkiloton zumand kardey planon, ki cəmədə de 830 milyard riyal bəbe, Masal şəhrıstonədə ımsori Fəcri mıburəkə da rujon vey muhimmə planonin.
Masal şəhrıstoni Fəcri da rujon yolqətey ğərorqoh yol həmçınin votışe: asb romey iyən xodro manıvr, bə omson fişənq ğande, mədəni muxtəlifə bərnoməon, varzışi mısobiğəon, şəhidon ğıbi sə vıl noey iyən de şəhidon yolə ailəon vindemon kardey, ım əyyomi yolqətey bərnoməonin ki ğərore ım əyyomədə bərpo bəbe.
Masal şəhrıston 134 nəfər şəhidi soybe və ım məntəğə millət həmişə Bəhmənə manqi 22 minnə rujədə ki bə Yomullah məşhure, deştə iştiroki vositə nizomi erjon ğeyrətinə mudafiəkə bin.
Hicri şəmsi 1357 minnə sori Bəhmənə manqi 12 minnə rujədə İroni İslomi İnğilobi təsisəkə İmom Xomeyni(r) oxoy sə 14 sor vətəniku dər bə dər bey bəpeşt bə İron varid be; 3 milyon nəfər İronıj həmonə rujədə bə İmomi pişvoz şedə bin.
Bəhmənə manqi 12 minə ruj(Fevrali 1) çı Fəcri da rujon məxsusə mərosimon dəvoniyeyro i minnə ruj heste; ın mərosimon har sor bə İroni islomi inğilobi səbarzəti sorəqardışi yol qətey xoto Bəhmənə manqi 12 ku bino bıdə və tosə 22 yəni Şah zalimə rejimi vədə İroni milləti ğiyomi səbarzəti dəvom kardeyd.
