Kaspi dıyoku 70 fayiz tranzit əlovə bey
Dıyovonəti iyən bəndəron təşkiloti yol, Xəzə dıyoku 70 fayiz tranziti əlovə beyku xəbəş do.
Kaspi dıyo şimoliku bə Rusiyə, ğərbiku bə Azərbaycan Respublika iyən şərğiku bə Tıkməniston və Ğəzaxıstoni respublikaon məhdud bəbe.
Kaspi dıyo sahilonədə veyə bəndəron mucude.
Qilon ostanədə Ənzəli bəndər, Xəzə dıyo sahili şəhronku qıləyni bə hisob omeydə.
Şəmsi 1401 minnə sorədə ım təşkiloti funqsiya bəyon kardey barədə, Dıyovonəti iyən bəndəron təşkiloti yol, Əli Əkbər Səfai votışe: cari sorədə və dəvardə sori muğaisədə, bə kişvəri ticori bəndəron muxtəlifə xarıci məhsulon trafik, 8 tosə 10 fayiz əlovə bey nışoş do, həmzəman muvəffəğ bıəmon ki Xəzə dıyoku tranziti 70 faizi ozavziyə ğeyd bıkəmon.
Bə dıyovonəti iyən bəndəron təşkiloti raporti əsos, Səfai ijən işorəş karde: dıyovonəti beynəlxalğə təşkilotədə və beynəlxalğ(İMO) baxşədə, ım təşkilot mısbət və təsirinə hərəkəton əncomış do, əv ijən əlovəş karde: İron İslom Respublika, İMO təşkilotədə bənə vey təsirinə uzvonku qıləyni, dıyo tojə prinsipon icod beyədə təsirin və konstruktivə rolış heste.
