Masalədə qim bıə turiston peydo bin
Masal şəhri imdod təşkiloti rəis ın şəhri bandiyə məntəğonədə 6 nəfər qim bıə turiston peydo beyku xəbəş do.
Bə İroni Tolışə Rədio raporti əsos iyən Taleşan Niyuz sayti nəğliku, Meğdad Huseynzodə həminə xəbə barəd votışe: çı Tehron iyən Lahicani 6 qılə turist ki Masal bandiyə məntəğonədəd roşon qim kardə bin, i ruji bəpeşt de ın şəhrıstoni imdodi təşkilaton uzvon navemon əməliyot və məntəğə əholi koməki peydo bin.
Masal şəhri imdod təşkiloti rəis əlovəş karde: ın 6 nəfər turist ımruj və Sutə nomo bıə qıyə ətrofədə peydo bin.
Meğdad Huseynzodə bə Masal bandiyə məntəğə səfər kardə turistonku tələbış karde ki bumi ro zınə şəxnon ya xot bə bandiyə roon oşno bıə turlideron nıbey şəroyetədə bə bandiyə məntəğəon iyən vişəon səfər kardeyku imtino bıkon.
Masal Tolışə şəhri bandon, qıyəon iyən vışəon bənə çı İroni vey ğəşənqə turistik vırəon bəharə fəslədə veyə musafiron mizbonəti kardə.
