Azərbaycan Respublika Prezident səçıniro canəndə pul xarc bə?

Fevrali 7-də Azərbaycanədə dəvardə nubəku bəkəno Prezident səçınon ro çanəndə vəsait xarc be rəsmi oşko kardə nıboən, Maliyyə Vəzarəti hesobotədə bə səçınon aid kali rəğəmon bəllin.

Bə Tolish Media sayti raporti əsos, Məsələn, hesobotədə 2024-minə sori yanvarədə “Səçınon dəvone iyən statistika tədbiron” çərçivədə 42 milyon 400 həzo mənot xarc be ğeyd kardə bə.

De İqtisadəvon Toğrul Maşallı vote, 2024-minə sori devlət büdcə layihə qorə ın rəğəm 4 milyon 300 həzo mənot bəni be.

“Prezident səçınon büdcə şəffaf ni, çumçuko Mərkəzi Səçın Komissiya hıç istən şəffaf onemon ni. Əve səçınon xarcon barədə məlumatıon ni. Əmmo Maliyyə Vəzarəti manqə hesobotədə kali rəğəmon vunde mumkune”.

De İqtisadəvoni vote, xarc bə rəqəmi de bo xarc be nəzərədə qətə rəğəmi miyonədə nə kam, nəən vey, 38 milyon fərğ hıste:

“Fərqi əsas hissə de mətbəə məhsulon bande – 14 milyon 300 həzo xarc bə. Dıminə vırədə koy pule, 10 milyon 900 həzo xarc bə.”