Almaniyadə İronıjon İğbali ozodəti tələb kardən
De Tolış Mığonə Respublika prezdenti dəvəti ımruj Berlinədə İronıjon İğbal Əbiloviku himoyədorəti kardero aksiya bərpo bəkan.
Bə sosyal şəbəkəonku rəsə xəbon əsosi, de Tolış Mığonə Respublika prezdent Boris Talişinski dəvəti ımruj saət 2 Almaniya Berlinədə bıə Azərbaycan Respublika səforətxonə vədə İronijon çı Tolış milli, elmi və mədəni fəolə şəxsiyət İğbal Əbiloviku himoyədorəti kardeyro aksiya bərpo bəkan.
Almaniya iyən Avropaədə bıə tolışə xalğ İronıjonku dəvət kardəşone ta həminə aksiyaədə zumand iyən veyə iştirokışon bıbu.
İğbal Əbilov hırdənətiku Belarusədə jiyedə və iyuni 14-ədə ıştə ğohumi vəyədə iştirok kardero bə Azərboycon omə.İyuni 22-ədə Əbilov bə DTX Masalli rəyon şebə vanq jey bıə və 6 saati ərzədə sıvol-cəvob kardey bıə. İyuni 27-ədə Bokuku bə Moskva şeyədə əv,bə ıştənəpəri vo doey bıəni, çəy pasport iyən telefon çəy dastiku sey bıə.
İyul 22-ədə de Əbilovi pasport iyən telefoni bəy oqordıney bəhonə bə DTX Masali rəyon şebə vanq jey bıə. Lakin bəçəy valideynon məlumot nıdoə holədə əv,bə Boku bardey bıə.
Bə Ombudsmani ovardi bədiqə bəçəy valideynon rosnəşone ki, Əbilov de Azərboyconi CM 283-ə (milli ədovət eğandey) və 274-ə (bə devləti xəyonət) maddəon şubhənin zıney beydə.
Jığo votey bıdə ki məhkəmə i minnə iclosədə Əbolov bə 4 manq həbs məhkum be.
Əbilov, Riqada ğeydiyyotiku dəvardə kanə "Tolış Milli Akademiyə təsisəkəyonku qıləyni,həmçinin çın onemoni mətbu orqan bıə "Tolış Milli Akademiyə Xəbəon" sər redaktore.
