De TIR maşinon Heydər Əliyev prospekti bastə dədə-balə hukm handə bə

Təxminən dı sor nim bə nav de bo maşinon, Devlət Avtomobil Nəqliyyat Xıdmətiku icazə sənədon se nızne etiroz, ranəndon Bokuəda Heydər Əliyevi prospektədə ro dəbastəşon be.

De TIR maşinon Heydər Əliyev prospekti bastə dədə-balə hukm handə bəTəxminən dı sor nim bə nav de bo maşinon, Devlət Avtomobil Nəqliyyat Xıdmətiku icazə sənədon se nızne etiroz, ranəndon Bokuəda Heydər Əliyevi prospektədə ro dəbastəşon be. Bəvədə etiroz aksiya dəvonə “R Group Azerbaijan” bokırniyə şirkəti ranəndonədə bə 3 kəs inzibati ğaydədə 30 sutka dastqirəti cəzo doə bıboən, şirkəti rəhbər Rəmiş Cəfərovi həxədə cinoyət ko bino kardə bə be.De Rəmiş Cəfərovi bə ivrə, əçe pıə Zəkrəm Cəfərovən bə cinoyət məsuliyyət cəlb bə be. Əvon de Cinoyət Məcəllə 178.3.2 (kulli mığdarədə ziyan je dələdızdəti), 233 (ictimai ğayda darışte səbəb bə hərəkəton təşkil karde və ya joğo hərəkətonədə fəal iştirok) iyən 320- (saxta sənəd hozzo karde və ya joğo sənədonku istifadə) maddon ittihom bən.Əmmo Rəmiş iyən Zəkrəm Cəfərovon ın ittihomon ğəbul kardənin, ıştəni taxsiko zındənin. Əvon bə etiroz aksiya təşkili ro cəzo se votedən.Sentyabr 23-də nav hukm hande məhkəmədə Rəmiş Cəfərovi de hakim Leyla Əsqərova-Məmmədova miyonədə hese-bes eqıniyə. Əy, taxsi nı be, hiç qılı cinoyət nıkardə holədə, 2 sor nim dəstqirətiədə oğətə, huğuğon darıştə be bəyonış kardə. Rəmiş Cəfərov ıştə vəkiliku imtino karde bə məhkəmə nəzə bırosnoən hakimi ğəbulış kardə ni.Dın eqıniyə mərəşulə anqıl məhkəmə koədə fasilə bə. Əmmo hakimi ıştə fikədə mandə, həmonə vəkilış de mudafiə nitği qəp je məcburış kardə.2 sorisə vey dəvom kardə məhkəmə proses sentyabri 23-də bə Rəmiş iyən Zəkrəm Cəfərovon hukm hande bə orəx rəsə. De doə hukmi, Rəmiş Cəfərov 6 sor ozodətiku məhrum kardə bə. Əçe pıə de şərti cəzo rəxe zınə.