Qusar əji polison tərəfo kıştə bə

Qusar royoni əji, 30 sininə Alxas Şıxmətovi polison tərəfo bə ğətl rosniye xəbə doə bə.

Qusar əji polison tərəfo kıştə bəQusar royoni əji, 30 sininə Alxas Şıxmətovi polison tərəfo bə ğətl rosniye xəbə doə bə.Pevolo kardə məlumotədə, hadisə dekabri 16-də şanqovonə saatonədə Qusar rayonədə qıniye ğeyd kardə bə.Alxas Şıxmətovi polison tərəfo de qullə jə kışte Dılətonə Koon Vəzorəti mətbuat xıdməti tərəfo təsdığ kardə bə.Dılətonə Koon Vəzorəti de hadisə band pevolo kardə məlumotədə, Alxas Şıxmətovi bə polisi silahinə mığavimət nuşu doe, hələbur karde iddio bedə:“Bə kardə cinoyət əməlon ro nəvəyədə bə şəkkinə xonəxo Qusar rayonədə qətə fəxt de otəşinə silahi bə polison mığavimət nuşu doəşe. 30 sininə, navkoən məhkum bə Alxas Şıxmətov polison tərəfo bezərər kardə bə. De fakti band tədğiği ko bardə bedə”.Azərboyconədə oxonə 4 manqədə xeyli joğo hodison bən.Boku Sabunçu, Binəqədi, Suraxani rayononədə, Likədə vey odəmon “ bə polisi silahinə mığavimət” nomi de qullə je kıştə bən.Sabunçu rayonədə dı ruj duməyəndı joğo hodison bin.Çın hodison təfərruaton barədə bə ictimoiyyəti hiç qılı məlumot doə bəni, doə məlumotonən həmmə pesoxtə bən.Joğo bə holədə, kırtə mıddətədə polison tərəfo ənəndə odəmon de “silahinə mığavimət” pesoxtəy kışte vey sualon bə miyon vardə. Joğo beşedə ki, azərboyconədə polison bo insonon hifz karde ne, əvoni ğarət, kışte ğolloğ kardən.