“Abzas Media” nəşri 7 jurnalisti məhkəmə bino bə

"Abzas Media" nəşri dastqirətiədə bə 7 jurnalisti cinoyət koy ro proses Boku Qonə Cinoyəton Məhkəmədə bardə bəbe.

“Abzas Media” nəşri 7 jurnalisti məhkəmə bino bə. "Abzas Media" nəşri dastqirətiədə bə 7 jurnalisti cinoyət koy ro proses Boku Qonə Cinoyəton Məhkəmədə bardə bəbe.Taxsikorə 7 kəs: “Abzas Media” direktor Ulvi Həsənli, sər redaktor Sevinc Vaqifqızı, direktori mıavin Məhəmməd Kekalov, “Turan” informasiya aqentəti iğtisadiyyat şebə redaktor Hafiz Babalı, jurnaliston Nərqiz Absalamova, Elnarə Qasımova iyən iğtisoddor, "Azadlıq" radio koəkə Fərid Mehralızadəye.Dekabri 17-də məhkəmə hozzoə iclos dəvonə bə. Məhkəmədə məlum bə ki, zalədə bə prosesi diyə karde oməyon ro nəzərədə qətə nıştə vıron vey hissə kənoə odəmon tərəfo qətə bən. Çın xonəxonədə təxminən 20 kəs hakiməti imtohon doə və təcrubə dəvarde ro vığande məlum bə.Taxsikorə jurnaliston bımi etiroz kardəşone, zal zını-zıne de əvon pur kardə be votəşone.Bə məhkəmə proses omə media numoyəndon iclosədə iştirakı imkon doə bə ni. Məlum bə ki, jurnaliston bə məhkəmə vadoə nıbe aspardə bə.Məhkəmə iclos bino beədə, jurnalistonədə Sevinc Vaqifqızı məhkəmə bardə 3 hakimədə 2 hakimi etirozış kardə, çe əvon de hukmi siforiş bekarde bəyonış kardə.Sevinc Vaqifqızı votəşe ki, Novruz Kərimov Milli Əmniyyətə Vəzorətədə (MTN) beğanunətiyon məşğul bə, peso bə Boku Qonə Cinoyəton Məhkəmə hakim vığandə bə və iyo mıxtəlif xonəxon barədə de sifarişi beğanunə hukmonış bekardə.Əlidə taxsikorə xonəxonən bə Sevinc Vaqifqızı etirozi umjən bıqınonən, bə dı hakim kardə etiroz təmin bə ni.