Bəxtiyar Hacıyevi məhkəmədə mərəşulə eqıniyə
İctimoi fəol Bəxtiyar Hacıyev dı sorisə veye dastqirətiədəy. Çəy koy ro məhkəmə proses 1 sorisə veye Boku Qonə Cinoyəton Məhkəmədə davom kardə.
De hakim Əli Məmmədovi sərdorəti dəvardə oxonə məhkəmə prosesədə mərəşulə eqıniyə.Bəxtiyar Hacıyevi məhkəmədə ros karde eçın qətə vəsotəton band sənədon bə vəkil Aqil Layıci doe piyədə Penitensiar Xıdməti koəkon bımi imkon doəşon ni.Konvoy tərəfo sənədon çəyku sə bən.Vəkil Aqil Layıci bımi etiroz kardəşe, mıdafiə huğuğon darışte bə hakimon nəzəş rosniyə.Vəkili bəyonış kardə ki, ım konfidensialəti darışteye.Aqil Layıc de imi anqıl peş məhkəmə bə Penitensiar Xıdməti rəhbərəti ovardə, Boku Qonə Cinoyəton Məhkəmədə Penitensiar Xıdməti koəkon beğanunə mıdaxilon səbəbiku dəvardə həftən de əlidə qılı vəkili mərəşulə eqıniye ğeydış kardə.Bəxtiyar Hacıyevi məhkəmədə bə yodış dəğandə ki, əy mıdafiə karde ro çəy dust Rail Abbasov de şər ğande dastqir kardə bə.Bə çəy vəynə cinoyət koədə təxminən 200 həzo mənot məbləğəda ziyaniku sıxan şedə.İctimoi fəol bə Rail Abbasovi vəynə ittihomi pesoxtə be iddio kardəBəxtiyar Hacıyev dastqir kardə bə peş bə çəy mənzıli səpe dastqirəti noə bə.İctimoi fəol məhkəmədə bə çəy vəynə doə ittihomon xitam doe, bın koədə bənə zərərkəşəy zınə bə – bloqqer Ulviyyə Muradova barədə duvə ifodə doe ro cinoyət ko bino karde barədə vəsotəton ros kardəşe.Vəsotəton hiç qılə təmin kardə bə ni.Məhkəmə proses dekabri 28-də dəvom kardə bəbe.
