Şah Milərzan diyədə Tolışi Telıə Ovşıməpoə Cəmyəti soliməti kərvon

Bə Ajimi doə hisoboti əsos,Tolışi Telıə Ovşıməpoə Cəmyəti rəhbər Əli Əhmədi votəşe:ın plan de məyişət vositəon anqıl bepulə tibbi və əczoçəti xıdməton və umunmə 700 milyon riyali erjədə səloməti və tibbi xıdməton paketi təmin kardey şikilədə bə həyot dəvordıney bıə.

Əy,əlovəş kardə:bın loyihədə i qrup umumi praktik həkim və mutəxəssis,tibbə dodo,mamə,psixoloq, xeyriyyəçi,Kərqanrud Rəyoni İdorə,di rəhbərəti və Di İslomi şura,cıvonon,koəvonon və Tolışi Telıə Ovşıməpoə Cəmyəti icro şura həmkoəti kardəşe.

Əhmədi çın loyihə çərçivədə bə jimon dəvordınə bıə diqər proqramon de xeyriyyəçiyon səyon diyədə jiyə kamtəminotin və bexıvandə xıyzonon miyono məyişət və səloməti paketon pevolo kardey,həmçinin vəkili loyihə çərçivədə bə şəhidə aylon osə ğandey,bo hırdənon çokə muhiti icod kardey,əhali ruşin kardey və bəvon imod rosney,bə di sakinon və tələbəon iminə tibbi koməqon nışon doey ğeyd kardey bıə.