Sarayevo bo Qəzza Tribunali kə xıvandəti bəkarde

Mayə manqi 26-də Bosniya və Hersoqovina paytoxt Sarayevo şəhərədə alimon, ruşnəfamon, huğuğ mıdafiəkon, media nımayəndon iyən ĞHT-on İsraili Qəzza tanqədə kardə hərbi cinoyəton tədğiği ro qırd bəben.

Ğəzza Tribunal Təşəbbus, de İMT-i Fələstini ro navkonə xısusi məruzəkə Riçard Falki rəhbərəti humanitar və vəkiləti məğsədi onoə ictimoi tribunale.
İştirokəkon, mıstəmləkə, tubəbir modelon, aparteid, əhali məcburi beğande, şəhrvandon mıdafiə və İMT-i sistemi kali mevzuon nəzəriku dəbəvonen.
Dınyo mıxtəlif vıronku çanəndə bə Fələstini rəğbət bə ruşnəfamon qırd karde bedə, ammə fakt ıme ki, beynəlxalq ictimoiyyət İsraili vəy qəte pidəş ni. Ğəzzadə tubəbıri de siyosi irodə iyən de zu hakiməti oroxne bəbe. Ammo tosə isət, ğərəz İroni, reqional zuyon ən çokə holədə kənoədə mandən, ən bevəcə holədə bə İsraili oşko və ya nunəkıle komək kardən. Bə sionist rejimi ən yolə dastək bəyon miyonədə Azərboyconi penə restədə ğərorış qətə.