Tırkiyə bə Miyonə Asiya çəy kanə nomış oqordonə

Şura hokumət vılo bədiqə Miyonə Asiya respublikon çın məntəğə "Şura nomiku" imtino karde tələb kardə bin.

Sıftə "miyonə" bə "Mərkəzi"  əvəz kardə be və urusə zıvoninə ictimoi iyən siyosi xodimonku məntəğə dın nomi ğeyd karde tələb kardışone. Coğrafi nəzəku, Mərkəzi Asiya de Çin ərazion bə ico vey her-hevuje. Əmmo mərkəzi be bo əvon vey xoşe.
İntasi qıvonəti çəş nıkardə vırəku bə miyon beşe. Bosforiku tosə Altay "Yolə Turan" ideya bə nav doə Tırkiyə prezident Ərdoğan "Miyonə Asiya" termini istifodə ğədəğeyn kardışe və həmmə dərs kitobonədə ın termin de  "Tırkiston" nomi təğyir kardə be.
Dın nomi Miyonə Asiya respublikon Rusiya imperiya i hissə bən və 1867-minə sorədə Tırkiston qeneral-qubernatorəti soxtə bə.
Tırk eksperton ın nuə kanə nomi bə Rusiya hiç qılı anqıləti nı be bıvıtonən tarıxe fakton inkor karde mumkun ni. Miyonə Asiyə keşvəron bə Tırkiyə təsiri ji eğande roədə ımən qılı qəme.