AİŞ Suriyədə 1 qılə bazə oqəte pidəşe

De AİŞ Ankaradə bə səfir və Suriyə ro xısusi nimoyəndə Tomas Barraki bəyonəti, Vaşinqton Suriyədə ıştə 8 bazədə 1 qılə oğəte eçınış qətə.

Barraki votəşe ki, AİŞ Suriyadə bardə siyosət təğyir kardə bəbe, çumçuko əv kameffetin bə.
De çəy bəyon karde, Suriyə demokratik ğıvvon çe Vaşinqtoni mıttəfiğin və reqion keşvəron nuə əmniyyətə sistemi onoeədə iştirok bəkarden.
De Fox Newsi doə məlumoti , АİŞ ıştə Suriyədə bə 2000 kontinqenti 500 bə dumo oqordonəşe.
Dəvardə həftə Amerikə Devlət Departamenti nımoyəndə Маykl Ritçeli bəyonış kardə be ki, АİŞ ıştə ləşkəri bə Suriyə vığande eçınış ni. De kali mənbon nıvıştəy, Tramp administrasiya joğo siyosət, həmən bə İroni loyal mınosibət, çəy de Natanyahu miyonədə bə noroziəti səbəb bə.