Tırkiyə ıştə ərteşi Suriyaku nibebaka

Tırkiyə Mıdafiə Vəzir Yaşar Qulər bə Reuters nəşri doə məlumotədə bəyonış kardə ki, Аnkara Suriyaku ıştə ərteşi bekarde və ya vırə təğyir karde eçınış ni.

De çəy votəy, əvon bə nuə Suriyə hokuməti hərbi komək mərhələ- hərbi kadron hozzo kardeədə dastək bedən.
  «Suriyə ərozi dırıstəti dastək» və «de terrorizmi mıborizə» —  şuaron pardə jintono Тırkiyə ıştə Suriyədə daimə hərbi iştirokış liqitim karde piye vində bedə.

Tırkiyə hərbi ğıvvon Suriyaku bekarde və ya bə əlidə vırə dislokasiya karde «sulh bərğəror və sərhədon əmiyyətəti təmini bədiqə»  ikərən çəvon bın zəbt kardə ərazionku beşe fikədə nıbe sobut kardedə. Navkoən Tırkiyə zəbt kardə zəminon de əhali assimilasiya kırtə mıddətədə bə çəvon protektorat peqardə fakton bən, Suriya əroziən istisno ni.
 De İsraili məntəğədə kardə əməlon tənğıdiən Tırkiyə ıştəni bənə çe həmmə mısılmonon mıdafiəkə nuşu bıdoən,  realədə bımi bovə bıkə ni. Тırkiyə bə Suriyən de vey yolə ambisioz eçınon dəşə be, intasi vəziyəti kardinal təğyir be nəticədə çəvon veyni puç bin. 
Quləri votəy, Tırkiyə zəbt siyosəti dəvom karde qılı işore. Çəvon joğo siyosət İraqədən dəvom kardedə, diyə məkə ki, ha səfə de kırdon bə sulh roziəti ome bəyon kardə bedə.