Qiloni mığəddəsə ziyorətqoonədə Ğədir-Xumi idi proqramon

Qiloni mığəddəsə ziyorətqoonədə Ğədir-Xumi idi proqramon bərpo bəbe.Qiloni viloyəti Vəğfon və Xeyriyyə Koon sahədə sər direktor çın əyoləti 300 qılə mığəddəsə ziyorətqoonədə de Ğədir-Xumi idi munasibəti mıxtəlifə proqramon bərpo beyku xəbəş doə.

Huccətul-İslom Vəlmuslimin İsmoyl Tədəyyuni çe kişfəri har vırəku 120-sə ziyodə mubəlliğon bo Ələvi mədəniyyəti və bo Əhli-Beyti(ə) təlimon təbliğ kardero bə Qilon omey işorə kardə holədə,əlovəş kardə:De Ğıroni oşnoətiro 30 qılə məclis de əyolət iyən kişfəri ğariyon iştiroki dəvordıney bəbe.

Qiloni viloyəti Vəğfon və Xeyriyyə Koon sahədə sər direktori elonış kardə:Bın Ğədir-Xumi idi rujonədə bo təom doey ənənə muhafizə və zumand kardero çe niyozmand və ehtiyocinə şəxson,zəvvoron və hamsuyəon miyono 30 həzo porsisə ziyodə xorək və ərzoğ baxş kardey bəbe.