Suriyədə de kırdon konflikt dəvom kardə
Kırdon rəhbərəti kardə Suriya Demokratə Ğıvvon “bə Dəməşqi anqıl canqəvoron” Suriya şimol və şərqədə bəvon hucumədə taxsiko zınedən.
Hucum bə çəvon və dəvon anqıl əmniyyətə Asaiş ğıvvon, şərqi Hələbədə de bepilotə-kаmikadze kardə bedən.Bəyonat SDĞ de Dəməşqi nəzorətədə məntəğon miyonədə təmas xəttədə tasıbi barz bə fəxt kardə bə.SDĞ bəyonatədə, de Dəməşq hakimiyyəti anqıl canqəvəron məntəğədə əmniyyəti darışte cəhdi ro bə kırd ğıvvon və qıno nıbə əhali hucum karde ğeyd kardəbə.İddio kardə bedə ki, oktyabri 5-də maştəvo “ın canqəvəron de bepilotə dronon Deyr-Hafer məntəğədə bə SDĞ hərbi avtomobili” kardə hucumi nəticədə 3 kəs yarəjə bə.Hojo həmonə rujiən de bepilotə dron SDĞ Asaiş patrul ıştə vəzifə bə vırə rosniyə fəxt bə hucum qətə bə və nəticədə 4 kəsə yarəjə kardə bə.Dеyr-Hаfer - Hələb əyolətədə strateji məntəğe və çəy veyni AİŞ dastək doə SDĞ nəzorəti jitonoe. SDĞ dе-fакtо Suriya şimol-şərqədə, Rojavadə hərbi ğıvve.
