Ğazaxstonədə, Amerikaku Cekson-Vennik ğaydə ləğv karde pidəşone
Ğazaxstonədə rəsmi xonəxon bəyon kardən ki, AİŞ Astana ro Cekson-Vennik ğaydə məhdudiyəton ləğvi ro şodoə qəmon bə dıtərəfinə ticorəti ziyod be və bə mineral resurson sahə dastək bəbe.
Qazaxstoni Sər Vəziri mıavin Serik Cumanqarin oktyabrə manqi miyonə rujonədə bə Vaşinqton kardə səfədə, AİŞ Konqressi uzvon MA keşfəron Cekson-Vennik siyohiku bekarde ro xeyli fəxt sərf kardışe.Cekson-Vennik ğaydə məhdudiyəton hələ sardonə mıharibə fəxt AİŞ tərəfo bə kommunist rejimon vəynə noə məhdudiyəte. Prezidenti səlahiyətış hıste ki Cekson-Vennik məhdudiyyəton 1 sor çe miyono peğəto, intasi ın ğaydə dırıs ləğv karde ro Konqressi akt tələb bedə.Коnqressi Cекsоn-Vennik ğaydəş bo vey navkonə kommunist keşfəron ləğv kardə, bəvonış daimə ticori əlağon status doə, intasi bo 5 navkonə sovet respublikon – Аzərboycon, Ğаzaxston, Таcikiston, Тırkməniston və Uzbəqiston hələn bın siyohiədən.In ğaydə məhdudiyəton ləğv nıkarde əsos səbəbən bəvədey ki, ıştə piyə fəxt bəvon təzyiğ karde, əvoni bə Vaşinqtoni irodə tabe karde bızno.
