Azərboyconədə nat hosilot bə ji eqıniyə
Azərboyconədə 2025-minə sori 10 manqədə nat hosilot 4,6% vəde Boku-Tbilisi-Ceyhan marşruti eksport 5,9% bə ji eqıniyə.
2025-minə sori 10 manqədə nat hosiloti bə kam be barədə Azərboyconi Devlət statistika komitə xəbəş doə. Im soro yanvərə manqiku tosə oktyabr 23,04 mln tоnn nat və ğaz kontensat bekardə bə ki, ımən bəsə 2024-minə sori bın middətə istehsolisə 4,6% bə kame. 2024-minə sori ın rəğəm 24,14 mln tonn be, çımiən əsos hissə — 22,98 mln ton nat təşkil kardəş be.Bın mıddətədə ğaz hosilot ros bə və 2025-minə sori 10 manqi bə ponə soro 41.62 mld kub m. bə 42,13 mld кub. m ros kardə bə. Azərboycon nati eksport BTC marşruti operator britaniya BP şirkəte. De ın marşruti 2025-minə sori yanvar–окtyabrə manqon 22,76 mln ton nat eksport kardə bə, ımən bəsə ponə sorisə 5.9 % bə kame. 2025-minə sori 10 manqi de ın marşruti bə co keşfəron tranzit kardə nati həcmən bə kam, ponə 4.475 mln toniku bə 3,391 mln ton eqıniyə. De BTC marşruti vığandə nati 74,4% azərboyconi istehsole. Dırozi 1768 km bə ın marşrutiku Ğəzəxston və Tırkməniston nati eksperti ro istifodə kardə bedə. Marşrut sutkədə tosə 1,2 mln ton imkon doydə, intasi marşruti zu ımi tosə 2,2 mln b/s ros karde bəzne.
