Rəştədə kaspi ətrof keşfəron sammit
Penc kaspi ətrof keşfəron 12 ostanon Rəştədə bə de «Каspi: dustiəti pard və reqioni inkişof» nomi sammit qird bən
De Mehr informasiyə aqentəti doə xəbə, həftə dıminə ruji, noyabri 18-də maştəvo, İroni Qilon ostani sər şəhr Rəştədə de «Каspi: dustiəti pard və reqioni inkişof» şuari və de penc keşfəri 12 ostani nımoyəndon iştiroki sammiti ıştə ko bino kardəşe.İİR hokuməti dastəki hozzo bə sammitədə, çe İroniku 5, RF, Qazaxston, Tırkməniston və Azarboyconiku 7 ostandor iştirok kardə Sammiti çərçivədə umumi və 3 qılə- bə iğtisodiyəti, sərmoyə, tranzit, moyqəte, ekoloqiya iyən loqistika mevzuədə xususi muloğaton bardə bəben. Çın muloğaton moderatoron, keşfəron və ostanon penə vəzifəninə xonəxon bəben.Sammitədə İİR XKV Аbbas Аrakçi, Kaspi diyo ətrof keşfəron səfiron və əlidə penə vəzifəninə xonəxon ıştirok tədbiri barzə əhəmiyyətiku xəbə doydə.2 ruj dəkəşə qırdemonədə ostandoron və rəsmi nımoyəndon, iğnisodi, mədəni, eкоloji və turist həmkoəti ğoym karde, bə ico lahiyon, tranzit və "Simol — Cənub" koridor, porton həniən aktiv iyən ticori rabiton ğoym karde barədə muloğaton bəbarden.Tədbir həmən bo kaspi turizmi inkişofi, reqioni siyosəti koordinasiya, ootanon di təsərufati, sənaye və sərmoyə imkonon, bə ico ticori sərqion dəvone vey çokə meydone.Каspi dıyo bo ticorəti, enerji və ətrof muhiti hifz karde ro strateji əhəmiyyətine və ətrof ostanon həmkoəti bo çəvon inkişofi çokə təkon doe bəzne. Joğo sammiton bo dialoq barde, sərmoyə imkonon nımoyış karde, siyosi, iğtisodi və mədəni həmkoəti ro vey vocib meydonin.