Fuməni ditəsərrufati ovi təmin kardeyro 13 milyard tımən ixtisos doey

Fuməni fərmondor bo ım şəhrıstoni ditəsərrufati ovi təmin kardeyro 13 milyard tumən kredit ixtisos doeyku xəbəş doe.

İsmail Ğasımi, Fuməni idori şura iclosədə bo ım şəhrıstoni ditəsərrufati ovi təmin kardeyro de işorə bə 13 milyard tumən kredit ixtisos doey ijən votışe: ım miğdor kredit bo ovə bandon və kandemoni təchiz kardey, ovə kanalon, ruon və çolə ovon nasos stansiyaon təmir və ijən soxteyro xarc beydə.

Im iclosədə İslomi Şura parlamentədə Fumən və Şəfti nımoyəndə bə Ğələrudxani Ğələ turizm məntəğə və Fuməni varid bey 2 qılə pilləon soxtey surəti təkid kardey holədə votışe: ımsor bo ım 2 qılə pardi komil kardeyro 115 milyard tumən kredit ixtisos doə bıə.