Tolışədə bə polis məmuri xəsorət rosnə kəson həbs

Tolışi polisi komandiri Dey manqi 18-ə ruji şəhrədə bə əməl omə iğtişoşonədə bə polis məmuri xəsorət rosnə kəson mıəyyən və həbs kardeyış elon kardə.

Polkovnik Əbbos Həğiği Niya bəyonış kardə ki,Dey manqi 18-ə ruji çandə qılə iğtişoşçi Tolış şəhri kuçəonku qıləyniyədə de sardə silohi bə polis məmuri xəsorət rosneyo cəhdış kardə və əlovəş kardə:Kəşfiyyot tədbiron və mıosirə polisi təchizotonku oko doə formədə şubhəynə şəxsi Tolış şəhrədə niyon bıə vırə mıəyyən kardey bıə və de qıləy zərbəti əməliyyoti həbs kardey bıən.