Reqiyonal ticorəti inkişof

İron iyən Pokıstoni tranzitə koridori fəoliyyəti rəsmən bino bey.

Pokıstoniku bə Uzbəkıstoni de İİR roy vositə iminə ticori məhsulon vığandey,çe Pokıstoni de İİR miyono tranzitə koridori ojbemon rəsmən bino bıə.Bə Pars-Tudey bə Pokıstoni medyaon doə məlumoti əsos,bənə dəbiyə qujdi bıə iminə məhsulon de biyəçolışon bıə bo maşinon təvəssıti bə Uzbəkıstoni Taşkənd şəhri transfer bıə.de ın tərtibi çe Pokıstoni de İİR miyono tranzitə koridori jiyədə ticori fəoliyyəton rəsmən bino bıə iyən çe Pokıstoniku iminə ixracati məhsulon vığandey bıə.Pokıstoni tranzitə ticorətə qumruki mudir Sənaullah Əbru bə Ekspres Tribuni rujnomə doə mısohibədə votəşe ki,çın koridori jiyədə çe Pokıstoni məhsulon Quader iyən İroni porton royku bə Mərkəzi Asiyə kişfəron səmt vığandey bəbe.İron iyən Pokıstoni mıştərəkə marzonədə ticori fəoliyyəton bə amerkə iyən sehyonist rejimi bə İroni İslomi Respublikə ələyh kardə ğeyri-ğanuni təcovuzi rujonədə bıə canqi şərayiton rəğmən,dəvomış heste.