Moskvaədə İroni səfir: Amerkəvıjon de yande həmohənq nin
Pars-Tudey- Rusiyədə İroni İslomi Respublika səfir İslomabadədə de Pakistoni vositəçiyəti bə Tehron və Vaşinqtoni muzakirəon işorə karde holədə votışe: kali Amerkə muzakirəkə heyət və ım kişvəri prezdenti dıcurnə nəzəon ım məsələ nışo doydə ki əvon ıştən miyonədə həmohənq nin.
Bə Pars Tudey raporti əsos ki İrnaku nəğlış karde de Kamer Sant Çap nomo Moskva rujnomə votımonədə Kazım Cəlali votışe: Çand kərə qıləy təklifon bəyon bıə əmmo ım təklifon ğəbul nıbey səbəb, Trampe.Moskvaədə İroni səfir ijən votışe: ım vəziyət ijən nışo doydə ki qıləy şəxs Amerkədə ğəror qətışe və əv həm Trampe. Tramp həm ğərəz səbarzəti co qıləy çi ğəbul kardedə ni.Rusiyədə İroni səfir ijən votışe: Amerkə iyən Trampi ımrujnə problem, ıme ki pidəşe qıləy prinsip təyin bıko. əmmo ehanə ğəror be əmə Amerkəvıjon prinsipi ğəbul bıkəmon, boçi təğribən 50 sore ki muğavimət kardedəmon. əmə boştə kişvəri mıstəğilətiro veyə xərcon domone. Təbiie ki əmə çəvon prinsipon ğəbul nibəkamon.
