Sərhəd Xıdmətiədə muammon

İyunə manqi 1-də Naxçivanədə Devlət Sərhəd Xıdməti qılən hərbi ğolloğəkə — Natiq Məmmədov muəmmaninə marde barədə xəbə doə bedə.

Hərbi ğolloğəkə pıə Namiq Məmmədovi bəyonış kardə ki, bə çəy zoə marde band hiç qılıy rəsmi oşkoəti vardə bə ni. Əv həmən, çəy zoə de 37,5 təblarzi bə tibb məntəğə barde, əyo bəy darzən je, nəticə nıbe bə peşt bə hospital bardə be votedə. Namiq Məmmədovi ğeydış kardə ki, çəy zoə nav hərbi xıdməti həmmə tibbi muayinonku dəvardə və səhhətədə hıç qılı işqılış bə ni. Hərbi ğolloğəkə dəkandə mərosimədə bo şəkil və video kəşe icozə doə bə ni, telefonon dəparçınyə bən.Namiq Məmmədov “TikTok” səhifədə pevolo kardə videodə zoə mardeku qəpış jə, əmmo 2-3 saati bədiqə həmonə video çəy sosial şəbəkə profilku molə bə.Im, oxonə 1 manqədə Devlət Sərhəd Xıdmətiədə bə ğeydə bə pencminnə marde hadise.DSX de ın hadisə band hiç qılı oşkoətiş doə ni.Xəzər Hərbi Tədğiqat İnstituti direktor Cəsur Məmmədovi bardə tədğiği koon istinod, 2026-mınnə sori tosə mayə manqi Azərboyconədə ən kam 20 hərbi ğolloğəkə ğeyri-dave şəraitədə mardən.De ın hadison hiç qıle band Devlət Sərhəd Xıdməti tosə ısət oşkoətiş doə ni.