Bəğayi:Amerkə canqi cinoyəton normal kardə holədəy

Pars Tudey-İroni Xarici Koon Vəzirəti sıxanəvoti votəşe:Amerkə hakim partiya beynəlxalğ humanitarə huğuği əsosə ğaydəon məhf kardedə və muhoribə cinoyəton normal kardə holədəy.

Pars Tudey bə İroni Tele-Rədyo Korporasiya istinodən doə məlumoti əsos,İroni Xarici Koon Vəzirəti sıxanəvot İsmoyl Bəğayi,Amerkə rəsmiyon beynəlxalğə huğuği əsosə ğaydəon məhəl nınoə holədə,bə mulki infrastruktur,pardon və elektrik stansiyaon hucumi təhdidon cəvobən qıləy mesajədə nıvıştəşe:Hiç qıləy əmr bo canqi cinoyəton əncom doeyro icozə ni;bo muhoribə cinoyəton əsosin kardero bə qıləy barzə əmri istinod kardey çe cinoyət əncom doə kəson cinoyət məsuliyyəti miyoniku rost nibəkarde. Bəğayi votəşe:Amerkə hakim partiya beynəlxalğ humanitarə huğuği əmandə hissə və əxlaq iyən insoni sivilizasiya əsoson bə canq və ğətlon si nıbə iştəho ğıboni kardey niyyətədəy. İroni Xarici Koon Vəzirəti sıxanəvot çe pardon və elektrik stansiyaon volo bey nəzədə qətə siyoasəti oşkoə şikilədə beğanun və cinoyətkor beyış bəyon və əlovəş kardə:Im siyosət çe xısos və kollektivə cəzo numunəy;beynəlxalğ huğuğədə və çı AİŞ daxili ğanun noeyədə,xususən həm 2441 ədədinə Ğanuni 18-ə maddə(Canqi Cinoyəton Ğanun) əsosən bənə canqi cinoyəton oşkoə şikilədə ğədəğən kardə bıə hərəkəton.Bə ın cinoyəton çı məhdudiyyəti mıddət tətbiğ kardey beydəni.