Tırkiyədə beynəlxalq aviasiya təlimon
Tırkiyə respublika Коnya əyolətədə pərəy-таktiki «Аnatoliya ğəce — 2026» təlimon bə orəx rəsən.
Təlimonədə, Tırkiyə Misir və Azərboyconi hərbi həvo ğıvvon numoyəndon iştirok kardəşone, Təlimon dəvone de Tırkiyə və Azərboyconi HHĞ rəhbəron mışoyəti səş qətə. Əvon ın təlimon bo hərbi həmkoəti ro dıjdə meydon be bəyon kardəşone.Ta sıftəku ın təlimon bənə vey yolə miğyasinə beynəlxalq tədbiri eçın qətə bəbe. Əmmo bo NATO sammiti hozzoəti və Tırkiyədə əmniyyətəti ğoym karde tədbiyi formati təğyiri səbəb be.Azərboycon tərəfi bın təlimonədə iştirok çandi-çand sorone de Tırkiyə mıttəfığəti kardeku bə nav omeydə. Misiri bın təlimon umjən qınye ısə boy əçe bo Tırkiyə Afrikadə bə nuə sərmoyə obyekt peqarde nuşu doydə. Təlimon Tırkiyə de hərbi xətti kom səmtədə hərəkəti oşko kardedə və joğo təlimon vəyoməyonədə hələ vey dəvonə bəben ki, nuə keşfəronən bəştə restə umjən bıkon.
