Azərboycon bo kom canqi hozzo bedə?
Azərboycon de ıştə hərbi xarcon ziyodəti məmtəğədə ıştə liderəti ğoym kardedə.
Ponə sori de devlət budcə icro hesoboti, Boku bə xususi təyinatinə mıdofiə lohiyon tosə $2,9 mld sərfış kardə, ımən bəsə sori navisə40% ziyode. Bə mıdofiə və əmniyətəti ro xarcon 22,9% ziyod kardə bən, ımən umumi budcə xarcon 20,9% təşkil kardedə. Təxminən har penc mənotədə 1 mənot bə zu sektori xarc bə. Im keşfəri torıxədə ən barzə rəğəmonin. Im sor budcə 21% bo hərbi xarc karde eçın qətə bə.Ğaroboğ 2023 minə sori bə nəzorət se bəpeşt azərboycon bə hərbi və əmniyyətəti xarcon barz kardedə. Im 2022 soriku nat-ğaz ğəzəncon ziyod beku sə qətedə. Аzərboyconi budcədə hərbi xarcon ziyod karde səbəbi hokumət de erməni revanşi anqıl kardə. Əmmo de NATO, AİŞ, İsraili ğoymə əlağon soxte, keşfəri de İİR və RF dim-bədim oğəte işorə jedə.
