İron iyən Tırkiyə çı mıştərəkə marzon əmniyyətışon mızokirə kardə

Pars Tudey-İron iyən Tırkiyə çı mıştərəkə marzon əmniyyəti zumand kardey,moli ğaçağ kardey və de beğanunə dəvardəco mıborizə məsələonışon mızokirə kardə.

Pars Tudey bə IRNA istinodən doə məlumoti əsos,İron iyən Tırkiyə nımoyəndə heyəton marzi əmniyyət və bın sahədə çı dıqlə kişfəri miyono həmkoəti mızokirə kardero çe Tırkiyə şərğədə bıə Ağrı əyolətədə vindemon kardəşone.Bın didoədə bə Tırkiyə nımoyəndə heyəti Ağrı vali Ondər Bozkurt və bə İroni nımoyəndə heyəti həm çe Maku məntəğə Marzi Mıhofizə komandan polkovnik Mehdi Həbibzodə rəhbərəti kardəşe.Bın didoədə tərəfon bə marzon əmniyyəti zumand kardey,miqranton beğanunə dəvardey navi qətey,de narkotik maddəon ğaçaği mıborizə və qomruki proseduron potensiyali vey kardey roonışon mızokirə kardə.Həmçinin,Tırkiyə de İroni miyono həmkoəti inkişof doey və sərhədi əmniyyəti zumand kardey roon barədə fiki mıbodiləşon bardə.