İslomi umməti vəhdət icod kardeyədə İroni hərəkətonku Rusiyə yolə mufti ğədrdonəti

Pars Tudey- Rusiyə mısılmonon dini koon idorə və muftion şura sədr, İslomi umməti vəhdət icod kardeyədə Tehroni hərəkətonku ğədrdonətiş karde.

Bə Pars Tudey raporti əsos ki İrnaku nəğlış karde, şənbə rujədə Rusiyə mısılmonon dini koon idorə və muftion şura sədr, Şeyx Ravil Eynoddin Moskvaədə de İroni İslomi Respublika səfir Kazım Cəlali vindemonədə islomi məzhəbon təğrib iclosi icod kardeyədə inğilobə şəhidə Rəhbəri təşəbbusi vey erjin zınəşe.Əv ijən de işorə bə məntəğə dəvardə təhəvvulaton sultə nizomi vədə İroni silohinə ğıvvon və milləti səbarzətion mədhış karde.Im vindemonədə ki Peyğəmbər Əkrəm, Həzrəte Muhəmməd Mustəfa(s)-i səadətinə milad ruji və vəhdəti haftə astanədə bərpo bıə be, Rusiyə yolə mufti ijən votışe: muğavimət, istadeqi və İroni miləti əzəmətinə səbarzəti nəyemki bo mısılmononro dərs və təlim be bəlkəm bo həmmə dınyoro ım mesaji doşe ki de muğavimət və istadeqi karde bəzne sultə nizomi təslim bıko.Eynoddin ım səbarzətion İroni milləti vəhdət iyən İslomi İnğilobi Rəhbər, Həzrəte Ayətullah Seyed Muctəba Xamenei səbəroəti nəticə zınəşe.Rusiyə yolə mufti dəvomədə, Rusiyə muftion şura de İroni məzhəbon təğribi hozə məşhurə obrazon və elmi və məzhəbi təşkilaton tarixi və ənənəvi rabitəon dəvomi tələbış karde və ım cəhətədə İroni səforəti dəvominə həmkoətionku ğədrdonətiş karde.