Briqada qeneral İlhomi:İroni mıdofiyə sistemon istehsol və əvəz kardey dəvom kardedə

Pars Tudey-İroni Ləşkəri Həvo Hucumiku Mıdofiyə Ğıvvon komandan və çı İroni İslomi Respublikə Xatəm Ənbiya(s) Mıştərəkə Həvo Hucumiku Mıdofiyə Ğərorqo komandir mıdofiyə sistemon istehsol və əvəz kardeyış elon kardə.

Pars Tudey bə İroni Tele-Rədyo Şirkəti istinodən doə məlumoti əsos,Briqada qeneral İlhomi çe AİŞ-on bə İroni zidd oxonə dıqlə məcburi canqədə çe İroni həvo hucumiku mıdofiyə funksiya və çe İroni sistemon bə mıxtəlifə dışmenə təyyorəon ələyh istifodə barədə votəşe:"Bə dışmeni həvo hucumi zidd həmməysə təsirinə mıborizə noyil beyro ıştə qırd zu,təcrubə və imkononku istifodə kardemone."