Rusiyə mudafiə vəzir de Ərdoğan mıloğatış kardə.

Rusiyə mudafiə vəzir bo 2 tərəfiyə həmkarion inkişof doero ijən məntəğə muhimmə mıvzoon barədə muzakirə karde qornə bə Tırkiyə varid bıə ijən de Rəcəb Təyyeb Ərdoğan mıloğatış kardə.

Bə Anadoli aqentiyəti raporti əsos Rusiyə mudafiə vəzir Serqey Şoyqu jurnaliston nıbey surətdə de Ərdoğan mıloğatış kardə.

Bə Tırkiyə mediyaon raporti əsos S400 rəkıtiyə sistem, Suriyə mıvzo, ijən İraqi şimaliyə məntəğəon barədə bohranon və Ərəbiyə kişvəron miyono əloğəon barədə sohbət karde həminə muzakirəon mehvər ğeyd bıə.

Vote bedə ki çımiku bə nav həm zinə ruj Tırkiyə prezident Rəcəb Təyyeb Ərdoğan de Putin həm telefoniyə əloğəonış be ijən Suriyə və Ğətəri barədə sohbətışon kardə.