Tolış şəhrədə Kaspi dıyo milli ruj bərpo be
Avgustə manqi 11 minə ruj əsrə vaxt İroni şimal Tolış şəhristanədə Kaspi dıyo milli ruji mınasibətiyo hınə festival, dıyo və təbiyyət, Ğuroğ bıə nomo sahildə bərpo be
Bə tele rədiyo xəbəriyə mərkəzi raporti əsos ın festivali məsul Çinqiz Şəkuri ıştə sıxanonədə votışe:
Kaspi dıyo miyonəkuşe holədə dıyoiyə sıpə və kıre moyonku muhafizə karde ımsornə sori Kaspi dıyo milli ruji bərpo karde muhimə hədəfonkuy.
Əv məntəğə ekoloqiydə bə Kaspi dıyo əhəmiyət və vırə işarəş ka və votışe: , mikrob və natə notəmizəti, sənaye zəvodon kanalzasiyə və zibilon notəmizətionş Kaspi dıyo ovi dılədə jimon kardə həyvononyo ciddiyə təhdidş zınə.
Hınə, dıyo və təbiyyət festivalədə 40 nəfər Qilan ostani Tolış şəhristani bumiyə hınə sohibon ekoloqiyə peyğomonışon bumiyə hənəkon ğolibədə icraşon ka ki, 2 həzo nəfərisə ve ın festivali təmışo kardeyo oməbin.
2006 minə sori avgustə manqi 12 minə rujədə "Tehroni konvansiyə" kaspi dıyo ekoloqiyəku muhafizə əkə konvansiyə 5 qılə saheliyə kişvəriyo lozime ki, icra bıbo və " Kaspi dıyo" onvanədə nom noə bəy.
Kaspi dıyo de dınyo yolə qolə de 371 həzo kilometr hevozətiş heste ki, 5 qılə kişvər İron, Azərbaycan Respublikə, Rusiyə , Ğəzağestan və Tırkəmənistan çəy hamsuyə kişvəronin.
