Şiiə yolə alimon
Şiyə dınyo yolə alimon-164
Şiiə yolə alimon
Ayətullah Fal Əsiri bə Şiroz omə sıftənə soronədə be ki,çı ingilison nufuz Şirozədə vey hevujə surətədə be və millət həm dəvardə zəmoniku vey çı istemori sanqinə sayə hiss kardedəbin. əmmo Ayətullah Fal Əsir bə ın vəzyəti təhəmmul kardey iyən tov vardeyış nızıne və har ruj de qıləy roy vositə ıştə mıxolifəti de ın mevzu nışon doydəbe.əv həm bənə sayir mərace və İslomi alimon de xariciyon bə islomi sərzəmin iyən məmləökəton təsəllut pəydu kardey və de harçi ki, barzətə tələb kardedəbe deəy mıxolif bin.iruj Ayətullah Fal Əsiri ki,bo nımoji bərpo kardero iyən Aşurə ziyorəti handero bə məçiti səmt hərəkət kardedəbe.qıləy şəxsış vinde ki,mədəni koəvonon olətış bəştə tanı. kardəbe və vey məğruronə formədə bə qıləy asbi suvar bıə holədə çəyo dəvardedəbe. Ayətullah Fal Əsiri ıştə ətrofədə bıə kəsonku dəparseşe ki,ım fərd kiye? voteşone ki,çı ingilisi konsule.Ayətullah Fal Əsiri bə həmonə ingilisi konsuli əmrış karde ki,çı asbiku etato saru,piyodə hərəkətko və bəçəy və beşə har qıləy mısılmoni səlom bıvoto…
Şirozi hakim Ayətullah Fal Əsiri bə hukuməti zərəl zıneydəbe.əve əmrış karde ki, əy bə Buşehri şəhri dərbədərkon.devləti məmuron curətışon nıbe ki,Ayətullah Fal Əsiri çı şəhri miyono və ya çəy kədə dastgirkon,bıqəton.əve Ayətullah Fal Əsiri bo Aşurə ziyorəti handero çı şəhriku bə kəno beşey xoto,bəy həmləşon karde və əvışon qəte.əvon çəy ruhoni olətışon çın yolə alimi taniku xaric kardeşone və əvışon bə Buşehri şəhrışon dərbədər karde.əvon çand ruj Ayətullah Fal Əsirişon əyo oqəteşone və bın mıddətədə çəy icozəş nıbe de ikəsi vindemonko və peşo əvışon bə Bəsrə şəhri vığandeşone.
Qıləy zəmon ki,Şirazi millət ıştə rəhbəri zindoni bıeyku xəbədo bin,bə hukuməti ələyh isyonışon karde.əvon məçitədə etırozinə aksiyaşon dəvordıne və çı Ayətullah Fal Əsiri oqardemonışon tələb karde.əmmo hukumət deştə qırd behəyoəti millətış ğətle-amm kardşone…..
Ayətullah Fal Əsiri bə Bəsrə daxil bıey bəpeştə həm ıştə mıborizəku dastış nıkəşe.əv bo de seyd Cəmoləddin Əsədabadi vindemon kardero çəy palu şe və çəyku tələbış karde ki,bə dınyo şiəyon mıtləğə mərcəye-təğlid bıə Mirzayi-Şirozi qıləy nomə bınışvışto və çı Nasirəddin şah bə İslom iyən mısılmınon bıə xəyonətiku əy xəbədoko.Fal Əsiri ıştən noməş Samirrədə bə Mirzayi-Şirozi rosneşe və de ın tərtibi boyis be Mirzayi-Şirozi ıştə torıxi fətvo sadirko.qıləy fətvo ki,bə İroni milləti ğıyomi və nəhoyətədə bə piyə istemori bıə ingilisi məğlubiyyəti boyis be.
Mirzayi-Şirozi bo Nasirəddin şah vığandə teleqrafi I baxşədə çı devləti məmuron de İslomi alimon min cumlə de Ayətullah Fal Əsiri bıə noloyığə rəftori həxədə ıştə noroziyətiyonış ibrozış karde.ım ko boyis be ki,Nasirəddin şah bo uzrxahətiro ıştə nımoyəndəonış çı Mirzayi-Şirozi palu vığandeşe.bilaxirin dı sori bəpeştə de şah nımoyəndəon dəvəti Ayətullah Fal Əsiri de qıləy ehtırom iyən izzəti bə Şiroz oqarde və tosə ıştə umri oxo hejo əyo mande.
Ayətullah seyd Əli Əkbər Fal Əsiri nəhoyətən ıştə şestı se sornə onımandə de zılmi mıborizə bardə mıcohidət iyən səyon bəpeştə Hicri-Ğəməri 1319-ə sori Rəbiyul-Əvvələ manqədə Şirozi şəhrədə bəfotış karde.`