Amerikə Əmniyyət Şurədə bi genosid kardə seonist rejimi sənibəton himoyəro məğlubiyyət
AİŞ-on de Ğəzzə muharibə anqıl təklif doə və bə seonist rejimi tuməbıri oşkoə nevbəynə dastək bıə ğətnomə de Rusiyə iyən Çini veto təsdiğ kardey bıəni.
Seonist rejimi bə Ğəzzə tanqə zidd canqiku təxminən bə 6 manqi nezi qıləy vaxt dəvardedə.de 32 həzosə veyə fələstınıji şəhodəti seonist rejimi tuməbırış kardə. Ğəzzə tanqə de ın canqi praktiki surətədə məhf kardey bıə.
Isət əyo həmməysə dıjdə behron vəşyanəti, xususən həm hırədnon vəzyət ki,əyo inson fəlokət bə əməl omeydə.Vaşinqton çımi bənav Ğəzzə tanqədə təcili de otəşvəsi zəruri bıey əloğədor bə çand qılə ğətnomə veto noə holədə,çı AİŞ-i təklif doə ğətnomə təsdiğ kardey bıəni.AİŞ-i təklif doə ğətnomədə fəğət seonist rejim ne, həmən HƏMAS bə dəhşətinə hucumon və cinsi hoziyəti xoto məhkum kardey bıə.
AİŞ-on İMT-də bıə numayəndə Linda Tomas Qrinfildi votəşe ki,ım Holokosti bədiqə bə yəhudiyon ələyh həmməysə dəhşətinə hucum be və Əmniyyət Şura qıləy dayimi uzv həttə əy məhkum kardey zıneydəni.
AİŞ devlətə katib Antoni Blinken həm oxonə çand rujədə təkidış kardə:“həlbəttə,əmə çı israyili iyən çəy ıştəni mudafiyə həxon kənomon”. Əslədə,ım ğətnomə i tərəfiku ijən çe seonist rejimi genosidi mudafiyə kardedə və ımi ğanuni mudafiyə hisob kardedə və co tərəfiku həm Rusiyə və Çini İMT-də bıə numoyəndəon şərhi əsosən,veyə ibhomonış hestebe və ım həmən çe Amerkə de Ğəzzə tuməbıri anqıl ko siyosi dəvom be.çı Rusiyə Əmniyyət Şurədə səfir iyən dayimi numoyəndə Vasili Nebenzia ıştə ehandımonədə votəşe: “Amerkə ğətnomə loyihə fikon mınhərif kardey cəhdış heste və qıləy oşkoə siyosi manipulyasiyəy”.
