Mıxolifəti nodırıstə hərəkəton
Mıxolifəti nodırıstə hərəkəton
Bə opozisiya iyən mıxolifəti əsliyə nəfəronku qıləyni İnterneşenal kanali bəyjiyə bərnomədə votə sıxanon əsos,bə anti-ironə qrupon nez bıə idastə fərdon,bo amerkədə səçıni məntəğəonədə bə sədo doey prosesi xələl rosnero qıləy planışon kəşəbe.
Almaniyə Berlin şəhrədə həm bə anti-ironə opozisiya iyən mıxolifəti qrupon nez bıə idastə fərdon,çe səçıni məntəğəon nezi de qıləy mitinqi bərpo kardey,bə ironıjə vətəndoon do-domjon doydəbin iyən əvoni təhğır kardedəbin.
Həmçinin qıləy məhdudə fərdonku iborət dastə həm Avstraliyədə çe vıjıni məntəğəonədə bə ironıjon sədo doey prosesi mane bıey cəhd kardəşone.analoji hodisə həmçinin çe İtalyə Milan şəhrədə həm bə əməl omə və bə mıntəşir bıə vidyon əsos,xaricədə bıə opozisiyon bə ironıjə şəhrvandon do-domjon doəşone iyən əvonışon təhğır kardə. həlbəttə,ın məsələ Qırcıston,Nyuzelandiyə iyən İnqilistonədə bıə ironıjon sədo doə məntəğəonədə həm təkror bıə.
Avstriya poytaxt Vyanədə iyən çe İsveçi poytaxt Stokholmədə həm,bə mıxolifəti nez bıə çandə nəfər bə mutəşəkkilə şikilədə bə vıjnemoni prosesi xələL rosney dumo bıən ki,ın ko əncom doeyədə nomıvəffəğ bıən.
Bəzi kişfəronədə bo səçıni məntəğəonədə xələl icod kardero iyən ironıjə şəhrvandon torsınero bıə anti-ironə cərəyonon hərəkəton de polisi bə ın ko mıdoxilə bə ico be.
