İroni barzətiyon

İroni barzətiyon

İminə Unverstet ki,əy bənə barzə ali məktəbi unvoni bın siyohiyədə ğərol doey bəbe,çe Tehroni unverstete.ziyodə tələbə iyən unversteton mellimon jıqo hisob kardedən ki,Tehroni Unverstet çe sıftəku çe İroni həmməysə veyçok iyən vey barzə ali məktəb bıə.bə kişfəri ali təlimon nez bıə mıəssisə iyən onemonon miyono ,Tehroni ali məktəb har cəhəto iyən har nəzəku qıləy barə mərtəbədə ğərolış qətə.hədərə ni ki,çın unverstetiku de Ironi (inə unversteti) və (Ali təlimi simvoli)təbiri yod iyən zikr kardey beydə.bo Tehroni ali məktəbi təğdım kardero iqlə kutoə izohədə bəpe bə ın mevzu işorə kardey bıbu ki,ın ali məktəb çe 25 qılə unverstetiku,9 qılə kampus  və 16 qılə təhğiğoti mərkəziku təşkilış pəydo kardə.Tehroni ali məktəbi təğdım kardero bıə nuktəonku qıləyni ki,bəpe bəy vijə iyən xususi dığğət kardey bıbu,çın unversteti təhğiğoti fəoliyyətone.Tehroni ali məktəbi Hicri-Şəmsi 1313-ə(milodi 1935-ə)sori İsfənd manqi təsis kardey be....

İronədə sənaye ali məktəbon vey mahbub iyən vey elmiyə qıləyni,Şərifi Sənaye Unverstete ki,əv həm Tehroni şəhrədə ğərolış qətə.riyaziyyot,fizika,kimya,nucum ya astranomiyə və kompyuter olempiyaədədə tələbəon telı medali soyb bıə abituriyentonin ki,de rohətə formə bın ali məktəbədə təhsili imkonış heste.həlbəttə,bın ali məktəbədə təhsil sıə kəson fəğət abituriyenton nin.abituriyenton ki,imtovon iyən konkursədə həmməysə çokə rutbə bə dast vardə kəson bın ali məktəbədə iştiroki şansışon heste.bın ali məktəbədə təhsil sıə kəson bənə İroni noxbə iyən eliti unvoni zıney beydən.ın unverstet muhəndisəti təhsili fakultəon iyən əsosə elmon seqlə təhsil devrədə: bakalavr,maqistratura və doktorantura mərhələon çe abituriyenton ixtiyorədə ğərol doydə.Şərifi Sənaye Unverstet nim əsr bıə fəoliyyəti hosil iyən məhsul,40 həzo fariğut-təhsil ya məzunış bıə ki,əksərən çe İroni kişfəri barzə mudiron zumrədə iyən elmi sektorədə əbədi mandə simonku və çe elmi dınyo erjinə xıdməton mənşən.Şərifi Sənaye Unverstet ki,Həşi 1344-ə(milodi 1965-) sori təsis be,deştə barzə elmi heyəti dastəqi,elitə tələbəon iyən tədğiğitçiyon,ha sor 1500 sa qıləsə məğalə İSİ və 1500 məğalə həm daxili iyən xarici metəbərə məcəllə iyən jurnalonədə mıntəşir bıə iyən bə unversteti məğaləon 15 həzo mırociyət əncom doey beydə.....

Əmir Kəbiri Sənaye Unverstet(Tehroni Politexnik Unverstet( həm çe ironi barzə səviyyəynə ali məktəbonkuye ki,Tehroni şəhrədə mıstəğərre.ın Unversteti ıştə fəoliyyətış Həşi 1337-ə(milodi 1959-ə) sori Tehroni Politexnik Unversteti unvoni jiyədə ıştə koş bino karde və peşo bə Əmir Kəbiri Sənaye Unversteti səviyyə rəse.Əmir Kəbiri Sənaye Unverstet ısət həm İroni fənni ya texniki iyən muhəndisəti unverseton həmməysə çokə qıləyniye ki,fəoliyyət nışon doydə iyən ha sor sənaye sahədə ziyodə noxbə iyən eliton perosneydən....

İroni barzə ali məktəbonku qıləyni,elm iyən sənaye Unverstete ki,əv həm Tehronədə ğərolış qətə.ın Unverstet ki,bənə Şərifi Sənaye Unversteti Həşi 1344-ə(milodi 1965-) sori təsis be. yeqanə ali məktəbe ki,Miyonə Şərğədə mıosirə muhəndisəti iyən osnə roy elmon fakultəş heste və çandə sorone yeqanə ali məktəb be ki,İronədə hınə iyən memorəti fakultəş heste.həmçinin bımi işorə kardey bəbe ki,holı-hozıyədə İronədə yeqanə ali məktəbe ki,ixtisodi ruşd iyən inkişofi və plani kəşey fakultə,xususi formədə təğib kardedə.həmçinin çe dınyo mıosirə projeonku bənə Nəvidi peyki dizayn,elm iyən sənaye zəfər,kiber mıdofiyə milli sipəri proyekt,cet ya reaktiv təyyorə muhərriki dizayn və bo B sinfə avtomobilonro milli platforməon loyihə kəşey,çın Unversteti vijə bərnoməonku bə hisob omeydə.....

Xacə Nəsrəddin Tusi Unverstet çe Ironi Sənaye Unversteti həmməysə kanə qıləyni bə hisob omeydə.çıro ki,çəy iminə hestemon de Post iyən Teleqrafi(Kommunikasiya)Ali Mədrəsə nomi Hicri-Şəmsi 1307-ə sori(1928) oqardedə.dəvomədə iyən çe İroni İslomi İnğılobi bədiqə de Mədəni İnğılobi Ali Şurə ğanun bekardey,ım Unverstet Həşi 1359-ə sori de 9 qılə Ali Təlimi Mərkəzi bə ısətnə formə dəçokney iyən de Texniki iyən Muhəndisəti Unversteti nomi təşkil be iyən 1367-ə sori (1988) de ironi alimi bıə Xacə Nəsrəddin Tusi Unversteti nomi əvəz be.bın Ali Məktəbədə iyən coqlə ali məktəbonədə bıə ”Sənaye” kəlmə,bın mənoədəy ki,fəğət muhəndisəti iyən əsosə elmon sahədə tələbə ğəbul kardedə.ın Unverstet ki,Tehroni şəhrədə ğərolış qətə,çe iminə dərəcədə bıə səth iyən səviyyədə bə hisob omeydə.bə metəbərə bazəon əsos,dınyoədə bo Universiteton reytinqiro,Xacə Nəsrəddin Tusi Sənaye Unverstet qıləy hiss bıəninə inkişof iyən ruşdış bıə.bə İSİ Reytinq doə bıə bazəon statistikə əsos,ın Unverstet dınyoədə elmi istehsoləkəyon sadə i hissəş əhotə kardedə....