Həniyə canişinətiyo Senvari vıjniye muhimmə mesaj
Həmos siyosiyə ofisi rəyis Yəhya Senvari vıjnımoni qılə muhimmə mesajonku israyili vədə mığovimət kardey və vəhdəte
Həniyə caneşinətiyo Senvari vıjniye muhimmə mesaj.
Həmos siyosiyə ofisi rəyis Yəhya Senvari vıjnımoni qılə muhimmə mesajonku israyili vədə mığovimət kardey və vəhdəte.
Senvari vıjniye nə inki Ğəzzədə və Ğəzzəku xaric hərkoti mıxtəlif partiyaon miyono rabitə səviyədə daxiliyə vəhdəti nışon doydə bəlkəm bə işğalqərə rejimi, mığovimətiku qıləy oşkoə mesaj rosnedə. ım mesj ıme ki, Həmasi Hərəkot jəğğoən zumande. və Həniyə terrori bə peştə de canqi tojə mərhələ problemon mıborizə bardeyo tojə rəhbəri istehsol və zumandətiş heste. qıləy holədə ki, israyil mıvəffəğ be, Fələstiniku xaric Həniyə terror bıkə ta Ğəzzəd Mığoviməti irodə sıst və zəyif bıkə. və ıştə kəşfiyat və hərbiyə zumandəti bə nımoyiş bınə. ısət bəpe de Senvar dimbədim bıbo. kəsiki nə inki de Əl-Əğsa Tufoni mıhəndisi kardə kəs zıniyə bedə bəlkəm ısət de Həmasi siyosiyə rəhbər nomi rol ifo kardə. dışmeni təhğir kardey Senvari vıjniye co qılə mesaje. israyili 1 minə vəzir Benyamin Netanyahu, Həniyə terrorış de Həmasi siyosiyə partyaon yolə Rəhbəron terrorədə israyili rejimi zumandətiku de qıləy simvol nomi təbliğış karde əmo Senvari de Həniyə caneşini vıjniye cori Netanyahu təhğir kardey və daxiliyə ocizəti ziyod kardey mənoədəy. çon ki, israyili rejim tabə ısət zıniyəş ni Senvar ki, əy əsliyə təğsirkor zınedən terror bıkən. və jığo ın vıjniye bəpeştə Netanyahu Həniyə terrori təbliğ kardey dəvomədə və Ğəsamon bataliyonon fərmondə terror kardey iddea Muhamməd Zeyf və çəy muavin, Mərvan İsa, naqi hədəfon dast pəydo kardey mıvəffəğiyəti nomi de yolə problemon dimbədim bəbe. Senvari vıjniye co qılə mesaj, məydoni fərmonədə royku mızokirə kardeye.Həniyə terror bo canqi bə oxo doeyo bo bə qıləy sazışi dast pəydo kardeyo Həmasi siyosiyə partiya təhrik əkə ğıvvon nomi zıniyə bedə be, oşkoə surətədə nışonış do ki, Netanyau sazlşiku tıledə və canqi ijən dəvom doey domoye.de Həniyə caneşin nomi Senvari vıjniye mızokirə tərəfo Həmasi se qılə muhimmə mevzuış heste. sıftə inki, Hərəkot pidəşoni bə ın mızokirəon dəvom bıdən ta vaxti ki, Netanyahu bə ıştə hiləon dəvom bıdə. dıvım inki, oxonə sıxən Mığoviməti vositə məydondə təyin bedə və sevom inki, çimi bəpeştə həl kardə kəson bəpe harcorə sazeşi çərçivə təyin kardeyo omə rujonədə de Senvar mızokirə bıkə.
