İroni idorə ərsədə banunon təsirinə iştirok

Pars Tudey-İron İslom Respublikə Banunon İnkişofi İnğılobi Mərdumi Milli Fondi məsul şəxs həmmə ərsəonədə çe ironıjə jenon təsirinə huzur iyən iştirokiku xəbəş doe.

İroni İslomi İnğılobi bədiqə de ironıjə jenon huzuri vositə çe kişfəri ali təlimi ərsəonədə,hasor çe kinə şoqirdon ziyod bıə və çəy bədiqə kişfər de aqah,təhsil vində və zumandə banuon nuyə nəsli dimbədim omə.

İronıjə jenon de ın roy vositə mıxtəlifə baxşonədə idorəçəti sukonışon bə dast sey zıneşone.bə Pars Tudey bə Mehr xəbə aqentəti istinodən doə məlumoti əsos,Atifə Səyid Nejad çe İroni Banunon Tərəğği Hərəkoti Milli Xalğ Fondi məsul şəxs təkid kardedə ki,İronıjə jenon həmmə ərsəonədə qıləy təsirinə rol ifo kardey bəzıney.əve əv,jıqo votedə:ısət çın fondi 370 ğərolqo çe ironi ostanonədə fəoliyyət nışon doydən.

İroni camiyədə çe jenon purranqə huzur iyən iştiroki əhəmiyyət anadəy ki,hətto İslomi İnğılobi Yolə Rəhbər İmom Xameneyi həm dayima mıxtəlifə ərsəonədə bə banuon himoyə koy təkid kardedə.

Ə həzrət camiyədə iyən iştimoyi məsuliyyəton baxşədə çe jenı-merdi yeksonə rol ofəyey ərsəonku zınəşone və elonışon kardə ki,bo jenon huzur iyən iştiroki hiç qıləy məhdudiyyət mvcud ni.

İmom Xameneyi meritokratiya iyən ləyoğətinəti bo jenon iyən merdon iştimoyi iyən siyopsi məsuliyətonədə bıə yeqanə meyor zıneydə və bın zəminədə bə yod dənoydən ki,bənə vəzərotxonə iyən məclisi nımoyəndətiyon bıə vıronədə ehyanə təcrubənin,vey foydənin iyən ləyoğətinə jenon hestinbu,İslomə dini nəzəku boçəvon vəzifə iyən məsuliyyət ğəbul kardero hiç qıləy məhdudiyyət mevcud ni.

İroni İslomi Respublikə Bəşəri Həxon Ğərolqo hisobot,de idorəşəti iyən ğərol bekardey ərsəonədə bıə jenon huzur iyən iştiroki unvoni həm,çımiku hikoyət kardedə ki,qender iyən cinsiyyəti ədolət çe İroni idori nizom və sistemədə real bıə.

Bə Həşi 1401-ə iyən 1402-ə soronədə doə bıə hisoboton əsos ki,de İroni İdori Hərbi Statistikə Salnomə təvəssıti mıntəşir iyən pevolo bıə,Həşi 1401-ə sori oxyədə rəsmi,bə mığovilə əsos,mıddətinə mığovilə koəvonon iyən İcro orqanon həmmə koəkəyon rəğəm 2 milyon 246 həzo 397 nəfər bıə ki,çın ədədiku 1 milyon 247 həzo 559 nəfər yəni 56 fayiz merdon iyən 998 həzo 838 nəfər yəni 44 fayiz jenon təşkil doydən.

Bə çımi əsos,İroni İdori Sistemədə bo koəvonon iyən ko ğıvvon bə xıdməti cəlb kardeyədə çe cinsiyyət iyən genderi ədolət vey oşko və məlume.