Sıpiyə Kədə vırəbəvırə kardey qıləy sodə əvəz bıeyku bəpeyə koye

Milli əmniyəti mışovir “Mike Valtz” və çəy muavin “Aleks Vonk” bə kəno noey və “Mark Rubio” deıştə məğami hifz kardey de milli əmniyət mışovir nomi vıjniye xəyli reaksiyaş bıə.

Tramp ıştə həyğət sosyal şəbəkədə nıvıştışe: “meylm heste de şoəti elon bıkəm ki “Mike Waltz” İbıə Milləton Təşkilotədə de omə rujon nımoyəndə nomi elon bəkam. De hərbiyə oləti canqi məydonədə xıdməti zəmoniku, ta kanqıresədə huzur bıey və çəyku bəpeştə de çımı milli əmniyət mışoviri məğamədə, “Mike valtz” həmişə cəhdış kardə ta çəmə kişvəri foydəon 1minə dərəcədə ğərol bıdə. Xotırcəmim ki ıştə tojə məsuliyətədə həm jığo bəbe.

In miyono xarici vəzir “Mark Rubio”, qıləy holədə ki, xarici koon vəzorətxonədə ıştə zumandə rəhbərəti məsuliyəti hifz bəkay, milliyə əmniyəti mıvəğğətə mışovir nomi həm bə ıştə vəzifə əməl bəkay.” əmmo əkəsoni ki, de Amerkə məsələonku oqohətişon heste, ın vırəbəvırə kardey Sıpiyə Kədə qıləy sodə əvəz beonku bəpe təhlil kardən.

Milli əmniyət mışovir, “Mike Valtz” bə kəno noey və de çəy vırə və məğami əvəzi xarici vəzir “Mark Rubio” mıvəğətə surətədə vıjniye  qıləy yolə əvz bıeon və hodisəy ki, həm Vaşinqtonədə və həm Amerkə şərikon poytəxtədə surətinə surətədə de şək iyən niqəroniyəti və hevujə təhlilon dimbədim bıə. zahirən qıləy sır noə bıə mesaj ərosnə qrupədə nızney surətədə məlumati ifşo kardey, Valtzi ixrac bıey əsliyə dəlil bıə. əmmo Sıpiyə Kədə zumandəti strukturi nəzorətəkan zıneydən ki, ın macəra qıləy texnikiyə səhviku bəpeye.

Məlumati ki, Valtzi səhvi xoto ifşo bəbı, Yəmənədə bə Amerkə əməliyotiyə bərnoməon ayid be. Harçənd milli əmniyət mışoviri ın hodisə, Amerkə əmniyəti rəsmiyə fəzoədə torixış heste əmmo Trampi surətinə nışon doə reaksiya siyosi nəzəku həssoiyəti nışon doydə.

Bo həssosə mıbodiləon şəxsi emailiku milli əmniyəti mışovir istifodə kardey barədə nəşr bıə raporton fəğət behronış ziyod karde. Qıləy Milli əmniyəti navnə məğam votışe: Valtz bə İroni ələyh saxtə mevğe qətey tələb kardə be, əmmo Tramp pidəşe bo mızokirə kardey qıləy fəzo oqəto. In ixtılof həl nıbe.

Xarici rabitəon şura rəyis “Riçhard Haas”  Sıpiyə Kədə vırəbəvırə kardeyon barədə xəbərdorətiş do ki, əqər Rubio bıpiyoşe izəmonədə dı qılə rol ifo bıkə imkonış heste hissiyə siyosəton hiylədə eqno. Amerkə nibəzne Asiya Ğərbədə de co qılə canqi dimbədim bıbo.

Trampi siyosiyə bəfodorə şəxsonku xarici vəzir Mark Rubio de milli əmniyət mışovir nomi tacili surətədə vıjniye qıləy hərəkət be ki, Nison və Henry Kissinger  devrani bə yod vardə. əmmo muhimmə fərğ ıme ki, Kissinger de qıləy məhorətı bıə strateq nomi və ğanuniyə mərkəziyət bıey, bə Amerkə xarici siyosəti diğğət doəninə nəzmış doəş be. Qıləy holədə ki, Rubio vıjniye çı ixtisosi əvəzi siyosiyə bəfodorəti nışon doydə.

Amerkə hakimiyəti heyəti strukturədə milliyə əmniyət mışoviri post de həmohənq əkə vəzifəon tarif beydə ki, Pentaqon və xarici vəzir miyonə mıstəğıləti ehtiyocış heste. 1nəfərədə dı 2qılə roli tərkib kardey əməli surətədə milliyə əmniyəti noə siyosətonədə 1qılə nəzorətiyə baxşi miyono bardeye.

Vaşiynqtoni təhlilçiyonku veyni ın vəziyəti bə “şəxsiyə diplomatiya” devroni oqardeye zınedən. qıləy vəzyət ki, bəzne xariciyə siyosəti ğədimiyə mərkəzon kanalonku xaric bıkə və əy pardə peşto bə siyosiyə bəfodo təbdil bıkə.

Trampi 1minə devləti milli əmniyəti navnə mışovir Con Bolton qıləy mısohibədə votışe: “ın qılə təlukəinə imtıvone. Milli əmniyət şura və xarici vəzorətxonə fərğinə rolışon heste. Çəvon deiyandı umojən jey bəzne bə təhlil nıbə qətə ğərolon boyis bıbo.” Sıpiyə Kədə əvəz beonTrampi ətrofədə bıə kəson ciddiyə rəğobət, canqi sərkərdəon miyono  dave və siyosiyə iyən ixtisodi və əmniyəti ərsəonədə mıxtəlif behronon dimbədim bıeyədə veyni tərəfodoron həmkoəti kardey. In əvəz beyon Amerkə dınyo və siyosiyə hərəkətonədə de şiddəti və zəyifə surətədə ıştə təsiri bəno.