İron internəşnal, bə İronıjon ələyh musadi Psixoloji əməliyoti kəş

Pars Tudey- fakton nışon doydə ki, İron internəşnal şəbəkə, “mossad” kəşfiyot proyekt bə İronıjon ələyh pisixoloji əməliyoti qıləy kəşe.

İron internəşnal qıləy Peyk telviziya şəbəkəye ki, çəy bərnoməon londoniku pevolo bedə.

In forsi zıvonə şəbəkə de inqilisi və ərəbi zıvoni həm fəoliyət kardə və çəy Əfgonıstoni televiziya versiya  həm istifodəçiyon ixtiyorədə ğərorış heste. İron İnternəşnal, bə İroni ələyh israyili rejim və çəy himoyə əkan 12 rujnə məcburiyə canqədə, və çəykubənav bə İroni ələyh pisixoloji canqışon bərodəğandə be. In şəbəkə çandəkərə de du və təhrifiyə xəbəon nəşr kardey, cəhd kardə be ki, İronədə təfrığə icod bıkə. Dəvardə rujon “Hənzələ” haker qrup, “İron İnternəşnal” şəbəkəş hək karde. Pars Tudeyku In mətləbədə bə İroni ələyh “Mossad” seonist rejimi kəşfiyot təşkiloti de ın şəbəkə əhmkoəti kardey barədə təhğiğış kardə:

Həyğəton nışon doydə ki, İron İnternəşnal nə qıləy mıstəğilə medya, bəlkəm bə İroni ələyh koqnetiv canqədə Mossadi qıləy kəş bə hisob omeydə. dəvardə rujonədə ın şəbəkə de İroni mıborizə bardeyo rol ifo kardey, qıləy holədəy ki, çimiku bənav seonist rejim və İron İnternəşnal də bə ın rabitə etırofışon kardə.

“Haaretz qəzeti” seonist rejimi medya kəşfiyot koon təhlil analitik , “Usi Milman” qıləy mısohibədə  işorəş karde bəinki, “İron İnternəşnal”  bə Mossad qıləy məxsusə şəbəkəye”, votəş be ki, Mossad ə məlumati ki, pidəş ni dıştə nomi nəşr bıkə, ın şəbəkə royku nəşr kardə.

Seonist rejimi məşhurə jurnalist etırofış kardə ki, Mossad nəzminə surətədə İron İnternəşnal şəbəkəku de bə İroni ələyh kəşfiyot canqiyə kəş bəhrə peqətə.”

İşğaliyə sərzəminonədə İron İnter nəşnal jurnalist, Babək İshaği qıləy raportədə, Suriyədə İroni hərbiyə mışovir,  Şəhid Sərdor “Seyd Rəzi Musəvi” terrori nışonə işorəş karde.

Qıləy rəsmiyə sənəd, de israyil iyən İron İnternəşnali sərostə surətədə bıə rabitə subut kardeyo muhimmə sənəd

“Benomon” kiberə qrup dəvardə rujonədə əmmo, bə İroni ələyh İron İnternəşnal şəbəkə emaylon hək kardey elon kardey bəpeştə, qıləy sənədış nəşr karde ki, bə ın qrupi vote əsos, seonist rejimi 1minə vəzir Benyamin Netanyahy ofisi tərəfiku rəsmi surətədə təğdır kardey bo ın şəbəkəyoe. Bə nəşr bıə məlumaton əsos, ın sənəd seonist rejimi iyən bo İron İnternəşnalşəbəkə miyono sərostə surətədə rabitə susbut kardeyo qıləy rəsmiyə sənəd bə hisob omeydə. qıləy sənəd de “Sertifikat of Appresiation” , de rəsmiyə blanki iyən de İnqilisiyə zıvoni ki, bə İron İnternəşnal və çəy jurnaliston” xitob nıvıştə bıə İroni hodisəon məxsusən ixtişaşon pevolo kardeyo, ın şəbəkə “nıtars və sədoğətinə cəhdonku” ğədrdonəti bıə.

Israyili tərəfo ın sənədi nəşr be və sərostə surətədə kəliməoni bənə “ İron İnternəşnal və çəy nıtarsə jurnalist”, bə seonist reji ın şəbəkə vobəstə bıeye. Boçimi xoto İron İnternəşnal nəinki, analitik səviyədəy bəlkəm rəsmi və sənədinə surətədə bə İroni milləti ələyh tərkibiyə canqədə Musadi Kəşfiyot proyekti medya ibaxş oşno bedə.

De İroni milləti oşkoə dşmenəti bəznemon İron İntrnəşnal kali hədəfon bənə jintonə kırtə izohi doey bəbe:

Bə İroni ziddi  həyğəton yol kardey

İroni dılədə problemon yol kardey

İroni qınoko nışon doey

İroni milləti miyon tars icod kardey

Terroriston və İroni mıxolifə simonku himoyə karde

İroni noorom kardey

İroni rəsmi şəxson sima xərob kardey

İronıjon rəsmi şəxson vəhdəti miyono bardey

De Ğəzzə və ironi milləti ğatilon mısohibə kardey

Bə İron israyili 12 rujə canqi məcburiyə canqədə İroni İnternəşnal, de seonist rejimi 1minə vəzir “Benyamin Netanyahu”mısohibə de Puriya Zeraəti icro kardey əncomış doe. De qıləy fərdi mısohibə kardey ki, canqi binoəkə be və çəy daston bə İroni milləti və çandə həzo Fələstini xuni ğərğ bıə. In mısohibə de rejim İron İnternəşnali ico  coqılə təsdiğ kardeye. mevzui ki, naviko həm təkror bıə.

əmmo macəro ətrəfədə, İnternəşnal qıləy seonistə şəbəkə bə əmniyəti zidd əncom doə ko, seoniston hədəfon cəhətdə hevujə siyosiyə təbliğot, İroni siyosətçiyon vanqış həm bekardə. Həminə barədə (İslomiyə İnğilobi səbarzətiku bənav bə İron hakim bıə şahənşahiyə rejim) pəhləvi rejimi qvardiya navnə zabit dəvardə rujonədə qıləy telviziya bərnomədə təkidış karde ki, İroni bə kəno noə bıə Muhəmməd Rıza Şah fərzənd Rıza Pəhləvi de ın şəbəkə koməki İronıjonku bo israyili, cəsusəti kardey holədəy.

BBSi Forsi navnə redaktor  və xricədə bıə simo “ Muhəmməd Nəzərpur” həm de İron ziddiyətədə dırozə torixış heste, dəvardə rujonədə qıləy votemonədə, ın şəbəkə, sərostə surətədə ha Şəhidi məsul zınişe ki, İron ın canqədə doəşe. İyən əv təkidış karde ki, ın medya koəkon sərostə surətədə bə İroni ələyh canqədə iştırokışon heste be.

“Təği Rəhmani” həm ki, İroni siyosətçi odəmonkoye, dəvardə rujonədə təkidış karde ki, ın şəbəkə “israyili sədoye”.

12 rujə canqədə İron İnternəşnal şəbəkə bə İroni zidd rol ifo kardeku bənav həm qıləy votemonədə Los Anceles telviziya şəbəkə qıləy mudir “Şəhram Homayun”həm votışe: “ ar bıbo bə  İnternəşnal, torixədə ın şəbəkə xəyonəti mislış bəni.

Siyosiyə eksperton bovəşon heste ki, bə İroni ələyh Amerkə və seonist rejimi dəvardə rujon təcavuzədə (milodi 2025 minə sori iyunə manqi 13-ku tosə 24 minə ruji) “İroni inter Nəşnal” şəbəkə oskoə surətədə İroni dışmenon medya cəhbədə mıhkəm mande və bə İroni ələyh Amerkə-israyiliyəcanqi təbliğot tıribuna təbdil be. Itərəfə surətədə puşniye və de ironi mıborizə bardey ın şəbəkə tərəfiku Amerkə və israyili həmləonku de xəbəriyə zıvoni de du votey və təhrikinə surətədə ıştə ziddiyətış nışon do ki, ın şəbəkə hədəf nə betərəfə məlumat rosniyey, bəlkəm İronədə milliyə əhvol ruhiyə sıst kardey be.qıləy hərəkət ki, əməli surətədə nəticəş nıbe.